नेत्याला मंत्रिमंडळात स्थान न मिळाल्यानं काँग्रेस नगरसेवकांचा राजीनामा

मंत्रिपदाच्या यादीत नाव नसल्याने समर्थक आक्रमक

नीलेश खरमरे, झी मीडिया, भोर : पुणे जिल्ह्यातील काँग्रेसचे भोर-वेल्हा विधानसभेचे आमदार संग्राम थोपटे यांचं नाव मंत्रिपदाच्या यादीत नसल्याने त्यांचे समर्थक आक्रमक झाले आहेत. समर्थकांकडून काँग्रेसच्या निषेधाचा काळा फ्लेक्स बनवून तो पेटवून देण्यात आला आहे. तर काळ्या फिती बांधून निषेध व्यक्त केला जात आहे.

तर भोर नगरपालिकेच्या सर्व २० नगरसेवकांसह शेकडो पदाधिकाऱ्यांनी पक्षाच्या सदस्यत्वाचा राजीनामा देत असल्याची घोषणा केली आहे.

तर नगरपालिकेत एकहाती सत्ता असल्याने स्वतंत्र गट स्थापन करणार असल्याचे ही जाहीर केलं आहे. जवळपास भोर वेल्हा मुळशीमधील सर्व काँग्रेस कार्यकर्त्यांनी काँग्रेस पक्षाचा राजीनामा दिला आहे.