Marathi News LIVE Today : दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
अमित शाहांची रत्नागिरीत होणारी सभा पुढे ढकलली
Loksabha Election 2024 : अमित शाह यांची 24 एप्रिल रोजी रत्नागिरीत होणारी सभा पुढे ढकलण्यता आली आहे.... तर त्यांच्या सभेची नवीन तारीख लवकरच निश्चित केली जाणार असल्याचं सांगण्यात आलंय... नारायण राणेंसाठी अमित शाहांची रत्नागिरीमध्ये 24 एप्रिलला सभा ठेवण्यात आली होती... ही सभा पुढे ढकलल्याचं कारण मात्र अद्याप स्पष्ट झालेलं नाही...
बातमीचा व्हिडीओ पाहा -
उद्धव ठाकरेंची उद्या अमरावती आणि वर्ध्यात प्रचारसभा
Loksabha Election 2024 : उद्धव ठाकरे यांची उद्या अमरावती आणि वर्धा लोकसभा मतदारसंघात सभा होणार आहे. अमरावती लोकसभा मतदारसंघामध्ये महाविकास आघाडीतील काँग्रेसचे उमेदवार बळवंत वानखेडे यांच्या प्रचारासाठी, उद्धव ठाकरे उद्या दुपारी 12 वाजता सभा घेणार आहेत. यावेळी ते विद्यमान खासदार नवनीत राणा यांच्या विरोधात प्रचार सभेत कायबोलणार याकडे लक्ष लागलंय. तर उद्धव ठाकरे आणि शरद पवार यांची उद्या वर्धा लोकसभा मतदारसंघातील हिंगणघाटमध्येही सभा होणार आहे. शरद पवार पक्षाचे उमेदवार अमर काळे यांच्या प्रचारासाठी उद्या संध्याकाळी 6 वाजता त्यांची संयुक्त सभा होईल.
बातमीचा व्हिडीओ पाहा -
पुण्यात काँग्रेसमधील वाद चव्हाट्यावर
Pune Congress : पुण्यात काँग्रेस मधील वाद पुन्हा चव्हाट्यावर आलाय. भाजपच्या नेत्यांची नागपूरमध्ये जाऊन भेट घेऊन येणा-यांचा जाहीर निषेध असे फलक पुण्यात लावण्यात आले.... गद्दार भागाओ, काँग्रेस बचाओचे बॅनर काँग्रेस भवनमध्ये झळकले. नाव न घेता आबा बागुल यांना उद्देशून हे फलक लावण्यात आले. पृथ्वीराज चव्हाण आणि बाळासाहेब थोरात यांना दाखवण्यासाठी दोन काँग्रेस कार्यकर्ते फलक घेऊन उभे होते.
बातमीचा व्हिडीओ पाहा -
चंद्र-सूर्य असेपर्यंत संविधान बदल नाही - देवेंद्र फडणवीस
Devendra Fadanavis & Ajit Pawar On Constitution : महायुतीनं संविधानाचा मुद्दा चांगलाच लावून धरल्याचं लोकसभा निवडणुकीच्या प्रचारामध्ये पहायला मिळतंय....उपमुख्यमंत्री देवेंद्र फडणवीसांनी नांदेडमधील बाबुराव कोहळीकर यांच्या प्रचारसभेत बोलताना त्यांनी जो पर्यंत चंद्र आणि सूर्य आहे तोपर्यत संविधानाला कोणीही हात लावू शकत नाही...हेच वाक्य उपमुख्यमंत्री अजित पवारांनी अमरावतीमध्ये नवनीत राणांच्या प्रचारसभेत उच्चारलं....त्यामुळे विरोधकांच्या संविधान बदलणार या टीकेची भिती महायुतीने घेतली की, प्रचाराची रणनीती ठरवलीये याबाबत कुतूहल आहे... विशेष म्हणजे महायुतीच्या नेत्यांना संविधान बदलणार नाही याचं स्पष्टीकरण द्यावं लागत असून...विरोधक जनतेमध्ये गैरसमज पसरवत असल्याचंही महायुतीचे नेते जाहीर सभांमध्ये सांगत आहेत..
बातमीचा व्हिडीओ पाहा -
मोदी राष्ट्राच्या भविष्याबाबत काहीच बोलत नाहीत - शरद पवार
Sharad Pawar On Prime Minister Narendra Modi : मोदी भाषण करताना राष्ट्राच्या भविष्याबाबत काहीच बोलत नाहीत...वैयक्तिक टीका करतात, काँग्रेसला शिव्या देतात त्यामुळे त्यांच्याविषयी बोलावंच लागेल असा इशारा शरद पवारांनी दिलाय...जामनेरमध्ये ते पत्रकारांशी बोलत होते...
बातमीचा व्हिडीओ पाहा -
प्रियंका गांधींचा लवकरच पुणे दौरा
Pune Priyanka Gandhi : प्रियंका गांधी लवकरच पुणे दौरा करणार आहेत. मे महिन्याच्या पहिल्या आठवड्यात प्रियंका गांधी पुणे दौ-यावर येणार आहेत. पंतप्रधान नरेंद्र मोदी यांच्या दौ-यानंतर काँग्रेसनंही पुण्यात रॅली आणि सभेचं आयोजन केलंय. मे महिन्याच्या पहिल्या आठवड्यात पुणे जिल्ह्यातील 4 लोकसभा मतदारसंघांतील मविआ उमेदवारांसाठी, प्रियंका गांधी पुण्याचा दौरा करणार आहेत. काँग्रेसच्या स्टार प्रचारक प्रियांका गांधी यांच्यासह सचिन पायलट हेही त्यांच्यासोबत असणार आहेत.
डॉन छोटा राजन एकदम फिट
Chhota Rajan : कुख्यात माफिया डॉन छोटा राजनचा नवा फोटो झी २४ तासच्या हाती आलाय... त्यानुसार डॉन छोटा राजन एकदम फिट असल्याचं स्पष्ट झालंय. तब्बल ८ वर्षानंतर छोटा राजनचा हा फोटो समोर आलाय. छोटा राजन सध्या तिहारच्या जेल नंबर १ मध्ये हाय सिक्युरिटी बराकमध्ये तुरुंगवास भोगतोय... तर याच तिहारच्या जेल नंबर २ मध्ये दिल्लीचे मुख्यमंत्री अरविंद केजरीवाल यांना ठेवण्यात आलंय. कोरोना काळात छोटा राजनचा पहिला फोटो समोर आला होता. त्यावेळी छोटा राजनचा मृत्यू झाल्याची अफवा पसरली होती. मात्र डॉन जिवंत असल्याचं नंतर स्पष्ट झालं. आता छोटा राजनची तब्येत एकदम ठणठणीत असल्याचं ताज्या फोटोवरून दिसतंय.
बातमी पाहा - अखेर 9 वर्षांनी समोर आला छोटा राजनचा फोटो, जिवंत आहे दाऊद इब्राहिमचा सर्वात मोठा शत्रू
बातमीचा व्हिडीओ पाहा -
उद्धव ठाकरेंचे मेहुणे श्रीधर पाटणकरांच्या अडचणीत वाढ
Shridhar Patankar : उद्धव ठाकरेंचे मेहुणे श्रीधर पाटणकरांच्या अडचणीत वाढ होण्याची शक्यता आहे. कारण पाटणकरांच्या व्यावसायिक भागीदारावर कारवाई करण्यात आलीय. श्रीधर पाटणकरांचे बिझनेस पार्टनर नंदकिशोर चतुर्वेदी यांची लखनऊतील 200 एकर जमीन जप्त करण्यात आलीय.. हमसफर डीलर्स प्रायव्हेट लिमिटेड नावानं ही जमीन खरेदी करण्यात आली होती.. या जमिनीवर टाऊनशिप बनवायचं प्लॅनिंग होती.. चतुर्वेदींच्या कंपनीन पाटणकरांच्या संस्थेला कर्ज दिलं होतं.. या संपूर्ण प्रकरणाची चौकशी सुरु आहे.. याचदरम्यान ही कारवाई करण्यात आलीय..
'नार्वेकर ठाकरे गट सोडणार ही खोटी बातमी',अंबादास दानवेंचा दावा
Ambadas Danave On Milind Narvekar : मिलिंद नार्वेकरांना शिंदेंकडून उमेदवारीची ऑफर असल्याची बातमी समोर आलीय...मात्र, ही बातमी खोटी असल्याचा दावा अंबादास दानवेंनी केलाय...
बातमीचा व्हिडीओ पाहा-
निवडणूक आयोगाची ठाकरे पक्षाला नोटीस
Uddhav Thackeray : उद्धव ठाकरेंनी निवडणूक आयोगावर जोरदार शब्दात ताशेरे ओढलेत. निमित्त ठरलंय ते निवडणूक आयोगाकडून ठाकरे पक्षाला आलेली नोटीस. निवडणूक आयोगानं ठाकरे पक्षाच्या नवीन गीतावर आक्षेप घेतलाय. या गाण्यातील जय भवानी शब्द काढा, अशी नोटीस निवडणूक आयोगानं ठाकरे पक्षाला पाठवलीय.. यावर उद्धव ठाकरेंनी जोरदार आक्षेप नोंदवला.. वानगीदाखल उद्धव ठाकरेंनी मोदी-शाहांच्या भाषणातील दोन व्हिडीओही दाखवले. या व्हिडिओत पंतप्रधान मोदी बजरंगबलीचा तर अमित शाह राम मंदिराचा उल्लेख करताना दिसतायत.. मोदी-शाहांच्या जुन्या भाषणांवर आक्षेप घेत आधी त्यांच्यावर कारवाई करा, मग आमच्यावर करा अशी भूमिका उद्धव ठाकरेंनी घेतलीय.
नारायण राणेंच्या उमेदवारीमुळे शिंदे गट नाराज
Ratnagiri–Sindhudurg LokSabha : रत्नागिरी सिंधुदूर्गमध्ये नारायण राणेंना उमेदवारी दिल्याने शिवसेना शिंदे गटाचे शिवसैनिक अद्यापही नाराज आहेत.. शिवसैनिकांच्या विरोधामुळं कुडाळमधील समन्वय बैठक मंत्री रविंद्र चव्हाण यांना अर्ध्यावर सोडावी लागल्याची माहिती मिळतेय.. या बैठकीला किरण सामंतही उपस्थित होते.. बैठकीत नितेश राणे यांच्याविरोधात शिवसैनिकांनी प्रचंड राग व्यक्त केला.. नारायण राणे यांचे काम करणार नसल्याचा निर्धार शिवसैनिकांनी व्यक्त केला.. आता याप्रकरणी पुन्हा दोन दिवसांनी समन्वय बैठक घेण्यात येणार असून त्यावेळी शिवसैनिकांची नाराजी दूर करण्याचा प्रयत्न महायुतीच्या वरिष्ठ नेत्यांचा असेल..
'मुख्यमंत्री बनण्याची आदित्य ठाकरेंची लायकी आहे का?',चंद्रशेखर बावनकुळेंची जीभ घसरली
Chandrashekhar Bawankule on Aaditya Thackeray : उद्धव ठाकरे आणि आदित्य ठाकरेंवर टीका करताना चंद्रशेखर बावनकुळेंची जीभ घसरलीय. मुख्यमंत्री बनण्याची आदित्य ठाकरेंची लायकी आहे का? अशी बोचरी टीका बावनकुळेंनी केलीय. देवेंद्र फडणवीसांनी आदित्य ठाकरेंना मुख्यमंत्री बनवण्याचा शब्द दिला होता.. या उद्धव ठाकरेंच्या दाव्यावर बावनकुळेंनी सडकून टीका केलीय
बातमीचा व्हिडीओ पाहा-
'मोदींनी फडणवीसांचे पंख छाटले', संजय राऊतांचा देवेंद्र फडणवीसांना टोला
Sanjay Raut on Devendra Fadnavis : उद्धव ठाकरेंना वेड लागलं असेल या फडणवीसांच्या टीकेला संजय राऊतांनी जोरदार प्रत्युत्तर दिलंय.. फडणवीसांना गृहमंत्री, अर्थमंत्री आणि पंतप्रधान होण्याचं स्वप्न पडलं होतं, त्यामुळेच मोदी-शहांनी त्यांचा पत्ता कापून त्यांना उपमुख्यमंत्री बनवलं...आणि शिंदेंना मुख्यमंत्री बनवलं असा घणाघात संजय राऊतांनी केलाय...
द. मुंबईसाठी मिलिंद नार्वेकरांना शिदेंकडून उमेदवारीची ऑफर?
Milind Narvekar : महायुती उद्धव ठाकरेंना मोठा धक्का देण्याच्या तयारीत...मिलिंद नार्वेकरांना शिंदेकडून उमेदवारीची ऑफर आल्याची सूत्रांची माहिती...दक्षिण मुंबईसाठी मिलिंद नार्वेकरांच्या नावाची चर्चा-सूत्र...मिलिंद नार्वेकर उद्धव ठाकरेंचे स्विय सचिव आणि विश्वासू
'राजकारणासाठी नाव वापरलं तर पान उतारा करेन',मनोज जरांगेंचा इशारा
Manoj Jarange : आम्ही मराठा समाजाचे उमेदवार आहोत असं सांगून कुणी मतं मागत असेल तर त्याला पाडा...मी कोणत्याही उमेदवाराला पाठिंबा दिलेला नाही...माझ्या नावाचा महायुती, महाविकास आघाडी किंवा अपक्ष उमेदवाराने माझ्या नावाचा वावर करू नये...नाहीतर मी पान उतारा करेन असा इशारा जरांगेंनी दिलाय..
उद्धव ठाकरेंची आज पत्रकार परिषद
Uddhav Thackeray : आज दुपारी 12.30 वाजता उद्धव ठाकरेंची पत्रकार परिषद आहे. मातोश्रीवर उद्धव ठाकरे पत्रकार परिषद घेणार आहेत. फडणवीसांनी उद्धव ठाकरेंवर केलेल्या टीकेला उद्धव ठाकरे पत्रकार परिषदेतून उत्तर देणार आहेत..
मनसेची मुंबईत आज महत्त्वाची बैठक
MNS Meeting : मनसेची मुंबईत आज महत्त्वाची बैठक होणार आहे...दक्षिण मध्य मुंबईचे महायुतीचे उमेदवार राहुल शेवाळेंच्या प्रचारासाठी ही बैठक असल्याची माहिती मिळतेय...राहुल शेवाळे हे शिंदे गट आणि महायुतीचे दक्षिण मध्य मुंबईचे उमेदवार आहेत...मनसेनं महायुतीला पाठिंबा दिल्याने नितीन सरदेसाईंच्या उपस्थितीत दादरमध्ये बैठक होणार आहे...राहुल शेवाळेंसमोर ठाकरे गटाच्या अनिल देसाईंचा सामना होणाराय...
'उद्धव ठाकरे महानालायकाच्या पहिल्या नंबरवर दिसतील', चंद्रशेखर बावनकुळेंची टीका
Chandrashekhar Bawankule on Uddhav Thackeray : उद्धव ठाकरेंनी फडणवीसांवर केलेल्या टीकेला बावनकुळेंनी पलटवार केलाय...महाराष्ट्रातील 14 कोटी नागरिकांचं मत घेतलं तर महानालायकाच्या पहिल्या नंबरवर उद्धव ठाकरे दिसतील...ठाकरेंना उत्कृष्ट मनोरुग्णालयात दाखल करण्याची गरज असल्याचं बावनकुळेंनी म्हटलंय...मातोश्रीतील बाळासाहेबांच्या खोलीला कुठलीतरी खोली असं फडणवीसांनी म्हटलं होतं...त्यानंतर उद्धव ठाकरेंनी फडणवीसांचा उल्लेख नालायक माणूस म्हणून केला होता...त्यावरून बावनकुळेंनी उद्धव ठाकरेंवर पलटवार केलाय...
बातमीचा व्हिडीओ पाहा-
शिक्षक नियुक्ती प्रक्रिया पुन्हा सुरू होणार
Teacher Recruitment : निवडणूक आचारसंहितेमुळे थांबलेली शिक्षकांची नियुक्ती प्रक्रिया पुन्हा सुरू होणार आहे... 25 फेब्रुवारी 2024 मध्ये राज्यात पात्र शिक्षकांची नियुक्ती प्रक्रिया सुरू झाली होती... मात्र आचारसंहितेमुळे ही प्रक्रिया थांबण्यात आली होती.... न्यायालयाचे आदेश लक्षात घेत शिक्षक नियुक्ती सुरु करण्याची मागणी राज्यशास्त्र विभागानं निवडणूक आयोगाकडे केली होती.. ही विनंती आयोगानं मान्य केलीये.. त्यानुसार सुमारे 21 हजार शिक्षकांची भरती प्रक्रीया पुन्हा सुरु होणार आहे.. पवित्र पोर्टलमार्फत ही नियुक्ती प्रक्रिया राबवण्यात येणार आहे...
दक्षिण मुंबईचा महायुतीचा उमेदवार ठरला?
South Mumbai Loksabha : दक्षिण मुंबईच्या जागेबाबत सागर बंगल्यावर खलबतं..फडणवीसांच्या उपस्थितीत सागर बंगल्यावर खलबतं...नार्वेकर, आशिष शेलार, पियूष गोयल, लोढांमध्ये चर्चा...दक्षिण मुंबईच्या जागेसाठी नार्वेकर, लोढांचं नाव आघाडीवर...महायुतीचे दक्षिण मुंबईचे उमेदवार नार्वेकर की लोढा?
बातमीचा व्हिडीओ पाहा-