Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : LIVE Updates on October 21 महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
राज ठाकरेंकडून राजू पाटील आणि अविनाश जाधवांना उमेदवारी
Maharashtra Election 2024 : महाराष्ट्र नवनिर्माण सेनेची विधानसभा उमेदवारांची यादी लवकरच जाहीर होणारे...मात्र त्यापूर्वी मनसे अध्यक्ष राज ठाकरे यांनी कल्याण ग्रामीणमधून राजू पाटील आणि ठाण्यातून अविनाश जाधवांची उमेदवारी जाहीर केलीये...24 ऑक्टोबरला राजू पाटील यांचा अर्ज दाखल करण्यासाठी येणार असल्याचं राज ठाकरेंनी यावेळी सांगितलं.
बातमीचा व्हिडीओ पाहा -
नांदेडमध्ये महायुतीत बंडखोरी, बालाजी खतगावकर अपक्ष निवडणूक लढवणार
Maharashtra Election 2024 : नांदेडमध्ये महायुतीत बंडखोरी.. एकनाथ शिंदेंचे खासगी स्वीय सचिव बालाजी खतगावकर अपक्ष निवडणूक लढवणार.. मुखेड मतदार संघातून भाजपनं तुषार राठोडांना उमेदवारी दिल्याने खतगावकरांची बंडखोरी.. खासगी सचिव पदाचा राजीनामा देत, अपक्ष निवडणूक लढवण्याची खतगावकरांची घोषणा.
परिवर्तन महाशक्ती उमेदवारांची पहिली यादी जाहीर
Maharashtra Election 2024 : विधानसभा निवडणुकीसाठी तिसरी आघाडी म्हणून परिवर्तन महाशक्ती रिंगणात उतरली आहे.. परिवर्तन महाशक्ती राज्यातील 150 मतदारसंघात उमेदवार उभे करणार आहेत. यामधील पहिली 8 उमेदवारांची यादी आज जाहीर करण्यात आलीये..परिवर्तनच्या पहिल्या यादीत अचलपूर मतदारसंघातून प्रहारचे अध्यक्ष बच्चू कडू यांना तर स्वतंत्र भारत पक्षाचे वामनराव चपट यांना राजुरा मतदारसंघातून उमेदवारी जाहीर करण्यात आलीये.. सोबतच संभाजीराजे यांच्या स्वराज्य पक्षाचे अंकुश कदम यांना ऐरोली मतदारसंघातून उमेदवारी देण्यात आलीये.. तर शिरोळ आणि मिरज या जागा राजू शेट्टी यांच्या स्वाभिमानी शेतकरी संघटनेसाठी सोडण्यात आल्या.. राजू शेट्टी हे कार्यकर्त्याशी चर्चा करुन या दोन्ही जागांवर उमेदवार जाहीर करणार आहेत.
बातमीचा व्हिडीओ पाहा -
...म्हणजे औरंगजेब, अफझल खानाशी हातमिळवणी - संजय राऊत
Maharashtra Election 2024 : अमित शाहांसोबतच्या भेटीच्या चर्चांना शिवसेना उद्धव बाळासाहेब ठाकरे पक्षाचे खासदार संजय राऊतांकडून पूर्णविराम...यांच्याशी हातमिळवणी करणं औरंगजेब आणि अफजल खानाशी हात मिळवणी करणं फेटाळल्या भेटीच्या चर्चा...महाराष्ट्रद्रोहींसोबत शिवसेना उद्धव बाळासाहेब ठाकरे पक्ष कधीच जाणार नाही...संजय राऊतांनी स्पष्टच सांगितलं.
2 दिवसांत विधानसभा जागांवर निर्णय घेणार - मनोज जरांगे
Manoj Jarange : येत्या दोन दिवसांत कुठल्या जागा लढणार, कुठल्या जागा पाडणार याबाबत निर्णय घेऊ, असं जरांगे पाटलांनी सांगितलंय. आचारसंहितेपूर्वी सरकारला संधी दिली होती. मात्र त्यांनी संधीचं सोन केलं नाही, आता युद्ध अटळ आहे, अशा थेट इशारा जरांगेंनी दिलाय.
बातमी पाहा - आता, लढणार , पाडणार , जिरवणार, युद्ध अटळ... मनोज जरांगेंनी सांगितलं कोणत्या जागा लढवणार
उद्धव ठाकरेंनी मुख्यमंत्री व्हावं - यशोमती ठाकूर
Yashomati Thakur : अमरावतीतील महाविकास आघाडीच्या युवक मेळाव्यात काँग्रेस नेते यशोमती ठाकूर यांनी मोठं विधान केलंय.... उद्धव ठाकरे यांनीच मुख्यमंत्री व्हाव ,असं विधान यावेळी यशोमती ठाकूर यांनी केलं.. त्यामुळे पुन्हा एकदा उध्दव ठाकरे हे मुख्यमंत्री होणार असल्याच्या चर्चा जोर धरत आहे.. तसेच राजकीय वर्तुळात ही या चर्चांना उधाण आलंय.. तर यशोमती ठाकूर यांच्या या विधानावर मविआमधून काय प्रतिक्रिया समोर येतील याकडे सर्वांचे लक्ष लागलंय...
बातमीचा व्हिडीओ पाहा -
एकनाथ शिंदे 24 ऑक्टोबरला उमेदवारी अर्ज भरणार
Maharashtra Election 2024 : मुख्यमंत्री एकनाथ शिंदे 24 ऑक्टोबर आपला उमेदवारी अर्ज दाखल करणार आहेत. ठाण्यातील कोपरी-पाचपाखाडी विधानसभा मतदारसंघातून ते उमेदावारी अर्ज दाखल करणार आहेत.
बातमीचा व्हिडीओ पाहा -
प्रियंका गांधी, राहुल गांधी महाराष्ट्रात प्रचाराला येणार - राहुल गांधी
Maharashtra Election 2024 : विधानसभेच्या निवडणुकीत प्रचाराचा जोरदार धुरळा उडणारेय. काँग्रेसनं प्रचाराची तयारी सुरू केलीय. काँग्रेस नेते प्रियंका गांधी, राहुल गांधी हे महाराष्ट्रात प्रचारासाठी येणार आहेत. त्याची तयारी सुरू असल्याची माहिती महाराष्ट्राचे प्रभारी रमेश चेन्नीथलांनी दिलीय. दिल्लीतीन नेते प्रचारासाठी येणार असल्याचं चेन्नीथलांनी म्हटलंय.
भाजपच्या आणखी 2 याद्या जाहीर होणार - बावनकुळे
Maharashtra Election 2024 : भाजपच्या आणखी 2 याद्या जाहीर होणार असल्याची माहिती भाजप प्रदेशाध्याक्ष चंद्रशेखर बावनकुळेंनी दिलीय. दुसरी आणि तिसरी यादी जाहीर होणार असल्याचं ते म्हणालेत. महायुतीत जागावाटपावर चर्चा सुरू आहे आणि या चर्चेनुसार यादी पूर्ण होत आहे, अशी माहिती चंद्रशेखर बावनकुळेंनी दिलीय.
माऊली कटकेंचा राष्ट्रवादी काँग्रेसमध्ये प्रवेश
Maharashtra Election 2024 : शिरूर हवेली विधानसभा मतदार संघात महाविकास आघाडीला मोठा धक्का... शिवसेना उद्धव बाळासाहेब ठाकरे पक्षाचे जिल्हाध्यक्ष इच्छुक उमेदवार माऊली कटके यांचा अजित पवारांच्या राष्ट्रवादी कॉग्रेस पक्षात प्रवेश.... प्रदेशाध्यक्ष सुनिल तटकरे अजित पवार यांच्या उपस्थितीत माऊली कटके यांनी केला मुंबई येथे राष्ट्रवादी कॉग्रेस पक्षात प्रवेश...शिरूर लोकसभेत उध्दव ठाकरे यांच्या शिवसेनेला मोठा धक्का... माऊली कटके यांना अजित पवारांच्या राष्ट्रवादी कॉग्रेस कडून उमेदवारी मिळण्याची शक्यता..
नाशिकमध्ये काँग्रेसचं अस्तित्व शून्य?
Maharashtra Election 2024 : लोकसभेला राज्यात सर्वाधिक जागा जिंकणारी काँग्रेस नाशिकमध्ये शून्यावर आल्याचं दिसतंय. जिल्ह्यातील एकमेव आमदार हिरामण खोसकर यांनी राष्ट्रवादी पक्षात प्रवेश करत काँग्रेसला रामराम केलाय.1962 मध्ये नाशिक जिल्ह्यातील बारा जागांवर काँग्रेसचे उमेदवार विजयी झाले होते. 1985 पर्यंतही वर्चस्व कायम होतं मात्र त्यानंतर सुरू झालेली पडझड आज शून्य वर पोहोचली आहे. त्यामुळे नाशिकमध्ये काँग्रेसला आपलं अस्तित्व राखण्याचं मोठं आव्हान आहे.
बातमीचा व्हिडीओ पाहा -
दिलीप वळसे पाटील 24 ऑक्टोबरला उमेदवारी अर्ज भरणार
Dilip Walse Patil : दिलीप वळसे पाटील यांचं ठरलं असून आंबेगाव विधानसभेतून दिलीप वळसे पाटील 24 ऑक्टोबर रोजी आपला उमेदवारी अर्ज दाखल करणार आहेत.. त्याच दिवशी प्रचाराचा श्रीगणेशा करणार असल्याची महितीही त्यांनी दिलीये.
CNGच्या किमती वाढण्याची शक्यता
CNG Price May Hike : ऐन दिवाळीच्या तोंडावर सर्वसामान्यांना महागाईचे चटके बसण्याची शक्यता आहे.. कारण CNGच्या किंमती वाढण्याची शक्यता आहे.. CNGच्या किंमती 4 ते 6 रुपयांनी वाढण्याची शक्यता आहे. केंद्र सरकारकडून देशभरातील किरकोळ विक्रेत्यांना घरगुती नैसर्गिक वायूचा पुरवठा केला जातो. या सर्व विक्रेत्यांच्या नैसर्गिक वायू पुरवठा २० टक्क्यांनी कमी करण्याचा निर्णय सरकारने घेतला आहे. पुरवठ्यावर ताण पडल्याने भविष्यात सीएनजीच्या दरात वाढ करावी लागणार आहे. दरम्यान महाराष्ट्रात पुढच्या महिन्यात विधानसभेच्या निवडणुका आहेत. त्यामुळे दरवाढ रोखण्यासाठी राज्य सरकार सीएनजीवरील उत्पादन शुल्कात कपात करु शकते.. मात्र तसं न झाल्यास ऐन दिवाळीत सर्वसामान्यांचे खिसे रिकामे होण्याची शक्यता आहे.
सोलापूर शहर मध्यवर माकपचा दावा
Maharashtra Election 2024 : सोलापुरात महाविकास आघाडीमध्ये वादाची ठिणगी पडण्याची शक्यता आहे. सोलापूर शहर मध्यवर माकपनं दावा ठोकलाय. या जागेवर माजी आमदार नरसय्या आडम हे निवडणूक लढण्यावर ठाम आहेत. 28 ऑक्टोबरला अर्ज दाखल करणार असल्याचंही त्यांनी जाहीर केलंय. उमेदवारी मिळावी, यासाठी महाविकास आघाडीच्या नेत्यांकडं विनंती केल्याचंही त्यांनी म्हटलंय.
बातमीचा व्हिडीओ पाहा -
अजित पवार बारामतीतून 28 ऑक्टोबरला उमेदवारी अर्ज भरणार
Baramati Ajit Pawar : उपमुख्यमत्री अजित पवार बारामतीतून लढणार असल्याचं स्पष्ट झालंय.सोमवारी 28 ऑक्टोबरला विधानसभेचा उमेदवार अर्ज दाखल करणार आहेत. त्याची तयारी सुरू करण्यात आली आहे.
बातमीचा व्हिडीओ पाहा -
शिवसेना आणि राष्ट्रवादीची पहिली यादी आज जाहीर होणार?
Maharashtra Election 2024 : भाजपनं कालच आपल्या 99 उमेदवारांची पहिली यादी जाहीर केलीये. त्याच पार्श्वभूमीवर आता भाजपचे मित्रपक्षंही आज आपली पहिली यादी जाहीर करण्याची शक्यता आहे. शिवसेना आणि राष्ट्रवादी आज आपली पहिली यादी जाहीर करू शकतंय. काल रात्री अजित पवार, प्रफुल्ल पटेल आणि सुनील तटकरे यांच्यात बैठक पार पडली. या बैठकीत यादी जाहीर करण्यासंदर्भात चर्चा झालीये. त्यामुळे शिवसेना आणि राष्ट्रवादीतून कुणाला संधी मिळणार याकडे लक्ष लागलंय.
बातमीचा व्हिडीओ पाहा -
नागपुरात काँग्रेसची नवी रणनीती?
Maharashtra Election 2024 : नागपूर जिल्ह्यात काँग्रेसनं नवी रणनिती आखलीये.. नागपूर जिल्ह्यातील 6 पैकी 3 मतदारसंघात काँग्रेस महिला उमेदवार देण्याची शक्यता आहे.. खास करून ग्रामीण भागात काँग्रेसचा नेतृत्व करणा-या सुनील केदारांनी त्यांच्या अनेक महिला कार्यकर्त्यांना यंदा निवडणुकीच्या मैदानात उतरवण्याची तयारी सुरू केलीये.. कामठी मतदारसंघातून अवंतिका लेकुरवाळे, हिंगणा मतदारसंघ काँग्रेसला सुटल्यास कुंदा राऊत आणि उमरेड किंवा इतर एका मतदारसंघातून रश्मी बर्वे या उमेदवार असू शकतील अशी चर्चा आहे..
बातमीचा व्हिडीओ पाहा -
राज पुरोहित मविआत जाणार?
Raj Purohit : विधानसभेची यादी जाहीर होताच भाजपात पहिली बंडखोरी होण्याची शक्यताय. माजी मंत्री राज पुरोहित महाविकास आघाडीच्या वाटेवर असल्याची विश्वसनीय सूत्रांची माहिती आहे. कुलाब्यातून उमेदवारीसाठी पुरोहित यांनी भाजप नेतृत्वाकडे मागणी केली होती.
बातमीचा व्हिडीओ पाहा -
मुंबई विद्यापीठाच्या परीक्षा पुढे ढकलल्या
Mumbai University Exam : मुंबई विद्यापीठाच्या परीक्षा पुढे ढकलल्या आहेत.. 19 आणि 20 नोव्हेंबरला होणाऱ्या परीक्षा पुढे ढकलण्यात आल्यात. विधानसभा निवडणुकीसाठी 20 नोव्हेंबरला मतदान आहे.. त्यामुळे मुंबई विद्यापीठाच्या परीक्षा पुढे ढकलण्याचा निर्णय घेतला आहे.. विद्यापीठात शिकणाऱ्या विद्यार्थ्याचं मतदान गावी आहे.. त्यामुळे मतदानसाठी गावी जाऊन परीक्षेला येणं विद्यार्थ्यांना शक्य नाही त्यामुळे परीक्षा पुढे ढकलण्याची मागणी युवासेनेनं विद्यापीठाकडे केलीय..