Maharashtra Breaking News LIVE : CAA संदर्भात सर्वोच्च न्यायालयाचा महत्त्वाचा निकाल
Maharashtra Breaking News Today LIVE Updates: आजच्या दिवसभरात कोणत्या घडामोडींवर असणार विशेष लक्ष? पाहा सर्व घडामोडींच्या वेगवान अपडेट...
Maharashtra Breaking News Today LIVE Updates: राज्यातील विधानसभा निवडणुकीची तारीख जाहीर झाल्या क्षणापासून राजकीय गणितं आणि डावपेचांना वेग आल्याचं पाहायला मिळत आहे. येणारा प्रत्येक दिवस नवं काहीतरी दाखवून जात आहे. आजच्या दिवशी कोणत्या घडामोडींना असणार महत्त्वं? कोणत्या घडामोडी ठरणार गेम चेंजर? पाहा LIVE UPDATES...
Latest Updates
महाविकास आघाडीची डोकेदुखी वाढणार
सोलापुरात महाविकास आघाडीची डोकेदुखी वाढणार आहे.. MIM सोलापूर शहरातील चार विधानसभा मतदारसंघात उमेदवार उभे करणार आहेत. सोलापुरातील मुस्लीमबहुल मतदारसंघात MIM मैदानात उतरणार आहे. सोलापूर शहर उत्तर, मध्य आणि दक्षिण सोलापूर तसंच अक्कलकोटमध्ये MIM उमेदवार उभे करणार आहे.. यातील सोलापूर शहर मध्यमधून शहराध्यक्ष फारूक शाब्दि यांची उमेदवारी घोषित करण्यात आलीये. तर इतर तीन मतदारसंघातील उमेदवारांची लवकरच घोषणा केली जाणार आहे.
CAA संदर्भात सर्वोच्च न्यायालयाचा महत्त्वाचा निकाल
CAA कायदा वैध असल्याचा निकाल सर्वोच्च न्यायालयानं दिला आहे. न्यायालयाच्या या निकालानुसार 1 जानेवारी 1966 ते 25 मार्च 1971 दरम्यान बांगलादेशातून आलेल्या अप्रवासी नागरिकांना भारतीय नागरिकत्वं मिळू शकतं. ज्यांना या कायद्याअंतर्गत नागरिकत्वं मिळालं आहे त्यांचा हा हक्क अबाधित राहणार आहे.
समीर वानखेडे निवडणुकीच्या रिंगणात?
सूत्रांच्या माहितीनुसार समीर वानखेडे निवडणुकीच्या रिंगणात उतरणार असून, शिंदे गटाच्या वतीनं ते निवडणूक लढणार असल्याचं म्हटलं जात आहे. धारावी मतदारसंघातून मुंबई कांग्रेस अध्यक्षा वर्षा गायकवाड यांच्या बहिणीचं त्यांना आव्हान असेल.
सरकारचे निर्णय वादाच्या भोवऱ्यात?
आचारसंहितेपूर्वी सरकारने घेतलेले निर्णय वादाच्या भोवऱ्यात सापडण्याची शक्यताय. सरकारनं आचारसंहिता लागल्यानंतर काही निर्णय घेतल्याचा आरोप विरोधकांकडून करण्यात आलाय..त्यामुळे सरकारनं आचारसंहितेचा भंग केल्याचा आरोप विरोधकांकडून करण्यता आलाय.
बोगस मतदान कार्ड प्रकरणी 40 जणांवर गुन्हा
धाराशिवच्या तुळजापूर विधानसभा मतदारसंघात बोगस मतदान कार्ड प्रकरणी 40 जणांवरती गुन्हा दाखल करण्यात आला आहे. तुळजापूर विधानसभा मतदार संघाचे सहायक मतदार नोंदणी अधिकारी तथा तहसीलदार अरविंद बोळंगे यांनी दिलेल्या तक्रारीवरून दाखल करण्यात आला गुन्हा दाखल करण्यात आला. धाराशिव येथील सायबर पोलिसात झाला गुन्हा नोंद, अधिक तपासासाठी हे प्रकरण तुळजापूर पोलिसांकडे करण्यात आला वर्ग. बोगस आधार कार्ड, रहिवासी दाखले, मोबाईल नंबर, फोटो व इतर कागदपत्रे वापरून निवडणुक आयोगाचा 6 नंबर फॉर्म भरून मतदारांची करण्यात आली होती नोंदणी.
बाहेरच्या पक्षातील लोकांना घेण्याचा आमचा उद्देश नाही आमच्याकडे तरुण चेहरे आहेत- जयंत पाटील
शरद पवार तुमच्यावर मोठी जबाबदारी देणार असल्याचे सांगत आहे याबाबत बोलताना जयंत पाटील यांनी माझ्यावर मोठी जबाबदारी आहेच जास्तीत जास्त विधानसभेला जागा निवडून आणायचा आहेत.त्यासाठी आम्ही सगळेच प्रयत्न करतो आहे.किती जागा मागितल्या या प्रश्नाला बगल देत तुम्हाला सांगण्या पेक्षा मित्र पक्षांना सांगतो अशी टिप्पणी केली. बाहेरच्या पक्षातील लोकांना घेण्याचा आमचा उद्देश नाही.आमच्या कडे तरुण चेहरे आहेत.मुख्यमंत्री चेहरा जाहीर करावा असं उध्दव ठाकरे यांचा आग्रह आहे पण याबाबत अंतर्गत चर्चा सुरू आहे.
तेच गडी, तेच राज्य... नवी निवडणूक; पुण्यात काँग्रेसची नवी खेळी
पुण्यात तीनही विद्यमान आमदारांना काँग्रेस पुन्हा उमेदवारी देणार असल्याची महिती सुत्रांनी दिली आहे. भोरमधून संग्राम थोपटे, पुरंदरमधून संजय जगताप आणि कसबा पेठमधून रविंद्र धंगेकर यांची नावं निश्चित असल्याची माहिती. शहरातील कॅन्टोन्मेंट आणि शिवाजीनगर या मतदारसंघावरही काँग्रेसचा दावा. कँन्टोन्मेंटमधून रमेश बागवे आणि शिवाजीनगरमधून दत्ता बहिरट यांच्या नावाची चर्चा.
बीडीडी चाळीतील रहिवाशांचा विधानसभा निवडणुकीवर बहिष्कार
मुंबईतल्या वरळी इथल्या बीडीडी चाळ रहिवाशांनी विधानसभा निवडणुकीवर बहिष्कार टाकण्याचा निर्णय घेतलाय. बी.डी.डी. चाळ क्रमांक 1 ते 7 मधील रहिवाशांनी महाराष्ट्र शासन आणि म्हाडाच्या घरकुल वितरणावर नाराजी व्यक्त करत निवडणुकीवर बहिष्कार टाकण्याचा निर्णय घेतला. रहिवाश्यानी ठिकठिकाणी विधानसभा निवडणुकीवर बहिष्कार असे बॅनर लावले आहेत. इतकंच नाही तर कोणत्याही राजकीय पक्षाला मतं मागण्यासाठी इमारतीत येऊ नये, असा कडक इशारा दिला आहे.
भाजपनं सुजय विखेंना उमेदवारी नाकारली?
अहमदनगरच्या संगमनेर विधानसभा मतदार संघातून माजी खासदार सुजय विखे पाटील निवडणूक लढवणार नाहीत. पक्षाकडे सुजय विखे यांनी निवडणूक लढवण्यासाठी तयारी दाखवली होती. पण पक्षाकडून सुजय यांच्या नावाचा उमेदवारीसाठी विचार झाला नसून, ती जागा महायुतीत शिवसेनेकडे असल्याने उमेदवार कोण याची चर्चा आता सुरू आहे. माजी मंत्री बाळासाहेब थोरात यांच्या विरोधात सुजय विखे यांनी निवडणुकीची तयारी केली होती, पण एकाच घरात 2 तिकीट नको म्हणून पक्षानं हा निर्णय घेतल्याची सूत्रांची माहिती आहे.
धनंजय मुंडे यांच्या पत्नीचा भीषण अपघात
पुणे सोलापुर महामार्गावर सोरतापवाडी येथे मंत्री धनंजय मुंडे यांच्या पत्नीचा भीषण अपघात झाला. कार आणि ट्रॅव्हल्स बस यांच्यात जोरदार धडक होऊन हा झाला अपघात. अपघातात राजश्री मुंडे किरकोळ जखमी झाल्या. गुरुवारी पहाटे 4.30 वाजता अपघात झाल्याची प्राथमिक माहिती समोर आली.
आता दहावी-बारावीच्या विद्यार्थ्यांसाठी महत्त्वाची बातमी....
मार्च 2025 मध्ये होणाऱ्या दहावी- बारावीच्या परीक्षांचं अंतिम वेळापत्रक अद्याप जाहीर करण्यात आलं नाहीए. असं स्पष्टीकरण राज्य शिक्षण मंडळाने केलंय. त्यामुळे दहावी, बारावीच्या परीक्षांची समाजमाध्यमांवर प्रसिद्ध झालेली वेळापत्रकं ग्राह्य धरू नयेत असं आवाहनही करण्यात आलंय. राज्य मंडळाचे बोधचिन्ह, नावाचा वापर करून परीक्षेबाबत चुकीची माहिती प्रसारित करून पालक, शिक्षक, विद्यार्थ्यांमध्ये संभ्रम निर्माण केल्यास फौजदारी गुन्हा दाखल करण्याचा इशाराही देण्यात आलाय.
पुणे- मुंबई एक्सप्रेस हायवेवर औढे गावाच्या हद्दीत अपघात
पुणे मुंबई एक्सप्रेस हायवेवर औढे गावाच्या हद्दीत अपघात.. पुण्याकडून मुंबई कडे जाणाऱ्या ट्रॅव्हल बसचा अपघात.. अपघातात 15 जण गंभीर जखमी तर 10 जण किरकोळ जखमी. जखमींवर सोमाटने फाटा येथील पवना हॉस्पिटलमध्ये उपचार सुरू. ट्रॅव्हल बसने अज्ञात वाहनाला जोरदार धडक दिल्याने अपघात.
विधानसभेच्या निवडणुकीसाठी उरले 3 दिवस
पालिका आयुक्तांकडे मुंबई उपनगर व मुंबई शहर या दोन्ही जिल्ह्यांसाठी जिल्हा निवडणूक अधिकारी म्हणून जबाबदारी देण्यात आली आहे. या पार्श्वभूमीवर पालिका आयुक्त भूषण गगराणी यांनी बुधवारी पालिका मुख्यालयात बैठक घेत मतदानाच्या प्रक्रियेसंदर्भात माहिती दिली. मुंबई शहर व उपनगरात मिळून एक कोटीहून अधिक नोंदणीकृत मतदार आहेत.
उदयनराजे- शिवेंद्रराजे यांच्यामध्ये बैठक
खासदार उदयनराजे आणि त्यांचे बंधू शिवेंद्रसिंहराजे यांनी कार्यकर्त्यांची बैठक बोलावलीये. साता-यात ही बैठक पार पडणारेय. विधानसभा आणि जिल्ह्यातील भाजप पक्षाच्या निवडणूक कार्यक्रमाची बैठकीत चर्चा होणारेय.
आज भाजपची पहिली यादी जाहीर होण्याची शक्यता
आज भाजपची पहिली यादी जाहीर होण्याची शक्यता. विधानसभा उमेदवारांची पहिली यादी जाहीर होण्याची शक्यता आहे. पहिल्या यादीत दिग्गज नेत्यांचा समावेश असण्याची शक्यता. पुढील काही तासात भाजपच्या उमेदवारांची पहिली यादी जाहीर होण्याची शक्यता. हरियाणाचे मुख्यमंत्र्यांचा चंदीगडमध्ये शपथविधी पार पडणार आहे या शपथविधी सोहळ्यानंत अमित शाहांसोबत शिंदे, फडणवीस आणि अजित पवारांसोबत अमित शाहांची बैठक पार पडणार आहे. या बैठकीत जागावाटपावर चर्चा होणार आहे.
मविआचं जागावाटपाचं सूत्र ठरलं
महाविकास आघाडीचं विधानसभेसाठी मुंबईतील जागावाटपाचं सूत्रही ठरल्याची विश्वसनीय सूत्रांकडून माहिती मिळालीये. ठाकरे पक्षाला मुंबईमध्ये सर्वाधिक 18 जागा मिळणार, काँग्रेसला 14, शरद पवार पक्षाला 2, समाजवादी पक्षाला 1 अशा पद्धतीने जागावाटपाचा फॉर्म्युला ठरल्याची माहिती सूत्रांकडून मिळतेय. तर आज महाविकास आघाडीची मुंबई बैठक होणार आहे. विधानसभेच्या जागांबाबत आज पुन्हा एकदा चर्चा होणार असून आजची बैठक ही अंतिम असण्याची माहिती आहे.