मैदानात खेळणाऱ्या मुलांना टेम्पोने चिरडलं, अपघाताचा धक्कादायक VIDEO

अपघातात 14 महिन्यांच्या मुलाचा मृत्यू, भीषण अपघाताचा VIDEO व्हायरल

आतीष भोईर, झी मीडिया, कल्याण : मैदानात खेळणाऱ्या तीन मुलांना टेम्पोने चिरडल्याची धक्कादायक घटना समोर आली आहे. ठाणे जिल्ह्यातल्या टिटवाळा (Titwala) इथं हा भीषण अपघात झाला असून अपघाताचा (Accident) व्हिडिओ (CCTV) सोशल मीडियावर व्हायरल झाला आहे. 

टिटवाळा इथल्या बल्याणी परिसरात उमर शहा हे पत्नी आणि तीन मुलांसह राहतात. उमर शहा यांची सात वर्षांचा मुलगा, तीन वर्षांची मुलगी आणि दीड वर्षांचा मुलगा अशी तीन मुलं घराजवळ असलेल्या मैदानात खेळत होती. त्या ठिकाणी एक टेम्पो उभा होता. काही वेळाने तिथे आलेल्या टेम्पो चालकाने टेम्पो सुरु केला आणि खेळत असलेल्या मुलांना चिरडत पुढे गेला. 

तीनही मुलांच्या अंगावरुन चालकाने टेम्पो नेला. यात टेम्पोचं चाक अंगावरुन गेल्याने दीड वर्षांच्या मुलाचा मृत्यू झाला. या भीषण अपघाताची दृष्य सीसीटीव्हीत कैद झाली आहेत. या प्रकरणी टिटवाळा पोलिसांनी गुन्हा दाखल करत टेम्पो चालक सैफ फारुखीला अटक केली. पण धक्कादायक म्हणजे अटक केल्यानंतर काही वेळातच त्याची जामिनावर सुटकाही झाली. 

अपघातानंतर तीनही मुलांना रुग्णालयात उपचासाठी दाखल करण्यात आलं, पण उपचारादरम्यान दीड वर्षांच्या मुलाचा मृत्यू झाल. या घटनेनं परिसरात हळहळ व्यक्त केली जात आहे.