मुंबई : TET Exam scam: टीईटी परीक्षा घोटाळा प्रकरणी मुख्य  राज्य परीक्षा परिषदेचे आयुक्त आरोपी तुकाराम सुपे यांना निलंबित करण्यात आले आहे. सुपे यांच्या घरात 2 कोटींची रोकड आणि दागिने सापडेल आहेत. तसेच घोटाळ्याच्या चौकशीसाठी 6 अधिकाऱ्यांची समिती नियुक्त करण्यात आली आहे. ही समिती आता 15 दिवसात अहवाल  देणार आहे. (Maharashtra State Examination Council Commissioner Tukaram Supe suspended)


COMMERCIAL BREAK
SCROLL TO CONTINUE READING

शासनाने महाराष्ट्र नागरी सेवेतील नियमान्वये प्रदान करण्यात आलेल्या शक्तीचा वापर करुन महाराष्ट्र राज्य परीक्षा परिषदेचे आयुक्त तुकाराम सुपे यांना अटकेच्या दिनांकापासून निलंबित करण्यात आले असल्याची माहिती शालेय शिक्षण मंत्री प्रा.वर्षा गायकवाड यांनी दिली. तसेच टीईटी परीक्षेतल्या गैर प्रकाराची चौकशी करण्यासाठी सहा अधिकाऱ्यांची समिती स्थापन करण्यात आली आहे. शालेय शिक्षक विभागाच्या अप्पर मुख्य सचिवांसह शिक्षण आयुक्तांचाही समावेश करण्यात आला आहे. प्राथमिक अहवाल सात दिवसांच्या आत तर सविस्तर अहवाल १५ दिवसांत देण्याचे आदेशही या समितीला देण्यात आले आहेत.  



हा आदेश अंमलात असेल तेवढ्या कालावधीत सुपे हे पुणे येथे राहील आणि त्यांना शासनाच्या पूर्वपरवानगीशिवाय मुख्यालय सोडता येणार नाही. निलंबित असताना सुपे यांनी खासगी नोकरी स्वीकारणे किंवा व्यवसाय करणे अनुज्ञेय असणार नाही. निलंबित असताना त्यांनी खासगी नोकरी स्वीकारल्यास किंवा व्यवसाय केल्यास ते गैरवतणुकीबाबत दोषी ठरतील आणि तदनुसार कारवाईस पात्र ठरतील, असेही निलंबनच्या आदेशात म्हटले आहे.


2019-2020 मध्ये झालेल्या शिक्षक पात्रता परीक्षेमध्ये (टीईटी) केलेल्या गैरव्यवहाराबाबत सुपे यांच्यावर फौजदारी गुन्हा दाखल करण्यात आला असून दाखल गुन्ह्याच्या अनुषंगाने त्यांना दि.16 डिसेंबर 2021 रोजी अटक करण्यात आली आहे.सुपे यांना अटक केल्याच्या दिनांकापासून 48 तासापेक्षा अधिक कालावधी झाला असून ते अद्यापपर्यंत पोलीस कस्टडीमध्ये आहेत.