अहमदनगर : अहमदनगर-दौंड महामार्गावर चिखली गावाजवळ डंपर आणि स्विफ्ट गाडीचा भीषण अपघात झाला. नगरवरुन दौंडकडे जाताना स्विफ्ट गाडी ओव्हर टेक करत असताना डंपरला समोरासमोर धडक होऊन हा अपघात झालाय. या अपघातात ३ जण जागीच ठार झाले. 


सागर दहातोंडे, उमेश मोरे आणि अशोक पवार अशी मृत्यूमुखी पडलेल्यांची नावं असून हे तीघेही अहमदनगर मधल्या चिचोंडी पाटील इथले रहिवाशी आहेत. दरम्यान डंपर चालक अपघात झाल्यानंतर फरार झाला आहे.