नाशिकच्या दिंडोरीतील तिहेरी हत्याकांडाचं गूढ उकललं

नाशिक : नाशिकच्या दिंडोरीतील तिहेरी हत्याकांडाचं उलगडा झालाय. 30 मे रोजी दिंडोरीतील शेळके कुटुंबातील तिघांची हत्या झाल्याचं समोर आलं होतं. मात्र आता तपासात या हत्येच गूढ उकललंय.

सोमनाथ शेळके यानंच आपल्या आई-वडिलांची आणि लहान भावाची निर्घृण हत्या केल्याचं आता पोलीस तपासात उघड झालंय. सोमनाथच्या लहान भावाच्या अनैतिक संबंधांवरुन आई-वडिल सोमनाथवर रागावत असत. याच गोष्टीमुळे संतापलेल्या सोमनाथनं तिघांचीही हत्या केल्याचं आता समोर आलं आहे.