मुंबईत येत्या २४ तासात मुसळधार पावासाचा अंदाज

मुंबई : मुंबईत येत्या २४ तासात मुसळधार पावासाचा अंदाज कुलाबा वेधशाळेनं वर्तवलाय. शिवाय मान्सूनच्या आगमनासाठीही पोषक वातावरण तयार होत असल्याचंही वेधशाळाने म्हटलंय. 

शिवाय तळकोकणात रखडलेला मान्सून आता रत्नागिरीच्या हर्णे बंदरात दाखल झालाय आणि येत्या २४ ते ४८ मुंबई आणि मध्य मध्य महाराष्ट्रात मान्सून दाखल होईल असंही वेधशाळेनं म्हटलंय.  

दरम्यान आज सकाळ पासून मुंबईत ढगाळ वातावरण आहे. गुरुवारी रात्री मुंबई उपनगरात मान्सून पूर्व पावसानं दमदार हजेरी लावली...आज सकाळपासून मात्र पुन्हा एकदा सूर्य आणि ढगांचा लपंडाव मुंबईकर अनुभवत आहेत.