RBI : आरबीआयकडून या बँकेचं लायसन्स रद्द, खातेधारकांच्या पैशाचं काय?

मुंबई : या क्षणाची मोठी बातमी समोर आली आहे. भारतीय रिझर्व्ह बँकेने (Reserve Bank Of India) गुरुवारी एका सहकारी बँकेचा परवाना रद्द केला आहे. आरबीआयने सोलापूरस्थितलक्ष्मी सहकारी बँक लिमिटेडचा (Laxmi Co-operative Bank Limited) परवाना रद्द केला आहे. सहकारी बँकेकडे भांडवल आणि कमाईची क्षमता शिल्लक नाही. तसेच लक्ष्मी सहकारी बँक गुरुवारी 22 सप्टेंबर व्यवसाय बंद झाल्यानंतर आपला व्यवसाय बंद करेल, असं आरबीआयकडून सांगण्यात आलं आहे. (rbi reserve bank of india cancels licence of laxmi co operative bank solapur maharashtra)

सहकारी बँक बँकिंग नियमन कायदा, 1949 च्या आवश्यकतांचं पालन करण्यात अयशस्वी ठरली. त्यामुळे आता बँक सुरु ठेवणं ठेवीदारांच्या हिताचं नसल्याचं आरबीआयने नमूद केलं.

खातेधारकांच्या रक्कमेचं काय?

"सहकारी बँकेने सादर केलेल्या डेटानुसार, 99 टक्क्यांहून अधिक ठेवीदारांना त्यांच्या ठेवींची संपूर्ण रक्कम ठेव विमा आणि क्रेडिट गॅरंटी कॉर्पोरेशन (DICGC) कडून मिळण्याचा अधिकार आहे. 13 सप्टेंबर 2022 पर्यंत DICGC ने एकूण विमा रकमेपैकी 193.68 कोटी रुपये आधीच भरले आहेत", असं आरबीआयने निवेदनात म्हटलंय.