भारत-बांगलादेशावर भूकंपाचं संकट, शास्त्रज्ञांचा इशारा

नवी दिल्ली : पूर्व भारतात आणि बांगलदेशावर भीषण भूकंपाचा धोका असल्याचं शास्त्रज्ञांनी म्हटलं आहे. भविष्यात बांगला देश आणि पूर्व भारतात भूकंपामुळे हाहाकार उडण्याची शक्यता शास्त्रज्ञांनी व्यक्त केली आहे.

रिश्टर स्केलवर भूकंपाची तीव्रता ९ पेक्षा जास्त जाऊ शकते, यामुळे हाहाकार उडण्याची शक्यता आहे, या भूकंपाचा परिणाम दोन देशातील १४ कोटी लोकांवर होवू शकतो.

मीडियात आलेल्या काही रिपोर्टनुसार, शास्त्रज्ञांनी भूकंपाची तीव्रता ८.२ ते ९ च्या दरम्यान असू शकते असं म्हटलं आहे. मात्र हा भूकंप कोणत्या वर्षी किंवा कधी होईल, याविषयी शास्रज्ञांनी काहीही सांगितलेले नाही.