नाशिक : मराठी भाषा दिनाचा कुसुमाग्रज प्रतिष्ठानातला महापालिकेचा कार्यक्रम रद्द झाला आहे. दरवर्षी कुसुमाग्रज प्रतिष्ठानमध्ये महापौरांच्या हस्ते प्रतिमा पूजन आणि अभिवादन केलं जातं. पण यंदा हा कार्यक्रम रद्द करण्यात आला आहे. निवडणुकांमुळे हा कार्यक्रम रद्द झाल्याचं सांगण्यात आलं आहे. सगळ्याच राजकीय पक्षांना या दिनाचा विसर पडलेला दिसतोय.


दरवर्षी मराठी भाषा दिनानिमित्त सर्वच पक्ष हा दिन वेगवेगळ्या प्रकारे साजरा करत असतात पण यंदा मात्र निवडणूक झाल्यानंतर कोणालाच याची आठवण नसल्याचं दिसतंय. मराठी भाषा आणि मराठी मराठी करणाऱ्या पक्षांना देखील मराठी दिन आठवला नाही.