महाड रस्ता अपघातात 3 ठार

अलिबाग :  रायगड जिल्ह्यातील महाड एमआयडीसीनजीक मोटारसायकलला भीषण अपघात झाला. या अपघातात तीन युवक जागीच ठार झालेत.  

रायगड प्रतिनिधीने दिलेल्या माहितीनुसार महाड एमआयडीसीनजीक मोटारसायकलला भीषण अपघात झाला. या अपघातात तीन युवक जागीच ठार झालेत. हा अपघात मध्यरात्री बारा वाजण्याच्या सुमारास झाला. बिरवाडी येथून घरी परतताना अपघात झाला. 

अवकाळी पावसामुळे मोटारसायकल स्लीप झाल्याचा प्राथमिक अंदाज वर्तविण्यात आला आहे. या अपघातात पांडुरंग हरिश्चंद्र उतेकर, तेजस लक्ष्मण जगताप आणि हरिश पांडुरंग उतेकर (रा. वालंज खुर्द ता. महाड) यांना आपला जीव गमवावा लागला.

तर दुसऱ्या अपघातात 6 जण जागीच ठार झालेत. कोल्हापूरचे प्रतिनिधींकडून देण्यात आलेल्या माहितीनुसार मुंबईहून हैदराबादला जाणाऱ्या कारला कर्नाटकमधील बिदर तालुक्यातील बसवकल्याण इथे अपघात झाला. या अपघातात मुंबईचे सहा जण जागी ठार झाले. हे एकाच कुटुंबातील आहेत.

टॅक आणि कारमध्ये रात्री NH 9 या महामार्गावर हा भीषण अपघात झाला. आपघातातील इतर जखमींना हैदराबादमधील आपोलो हॉस्पीटलमध्ये दाखल करण्यात आले आहे.