सायन-चुनाभट्टी येथे बिल्डरवर गोळीबार

मुंबई : सायन चुनाभट्टी इथं बिल्डरवर अज्ञात व्यक्तींनी गोळीबार केला. अरिहंत ग्रुप ऑफ कंपनीचे जिग्नेश जैन यांच्यावर हा गोळीबार करण्यात आलाय. त्यांना तात्काळ रुग्णालयात दाखल करण्यात आले.

शुक्रवारी संध्याकाळी ७ वाजता बाईकरुन आलेल्या २ अज्ञात व्यक्तींनी जैन यांच्या ऑफिसजवळ हा गोळीबार केला. जैन यांच्यावर दोन राऊड फायर करण्यात आल्याचं गुन्हे शाखेच्या अधिका-यांनी सांगितलंय. जखमी जिग्नेश जैन यांना सायन हॉस्पिटलमध्ये दाखल करण्यात आलंय.

गोळीबाराची ही दृष्यं सीसीटीव्ही कॅमे-यात कैद झालीत. अरिहंत बिल्डरच्या मुंबई तसेच आजूबाजूच्या परिसरात विकासकाची कामे सुरु आहेत. त्यामुळे झालेला हल्ला हा खंडणीसाठी झाला की यात आणखी काही आहे याचा शोध पोलीस करीत आहेत.