विद्यार्थ्यांसाठी खुशखबर, मुंबई विद्यापीठात एव्हिएशन कोर्स...

दिपाली जगताप-पाटील, मुंबई :  मुंबई विद्यापीठ बीएसस्सी इन एव्हिएशन हा कोर्स सुरु करणार आहे. ज्यासाठी विद्यापीठ स्वत:चं विमान घेण्याच्या विचारात आहे.

तसा प्रस्ताव आज विद्यापीठात मॅनेजमेंट काउंसीलच्या बैठकीत मांडण्यात येणार असून त्यावर चर्चा होणारेय. तसंच यासाठी बॉम्बे फ्लाईंग क्लबसोबत करार केला जाण्याचीही शक्यता आहे. 

एव्हिएशन शिकणा-या विद्यार्थ्यांना प्रात्यक्षिक शिकण्यासाठी कोणतीही अडचण येवू नये यासाठी कलिना कॅम्पसमध्येच सर्व सोयी सुविधा पुरवण्याच्या तयारीत विद्यापीठ असून यासाठीच मुंबई विद्यापीठ स्वत:च विमान घेत असल्याची चर्चा सुरू आहे.