कॅमेरावरून वसीम अक्रमला का हटवलं ?

मुंबई: भारत आणि ऑस्ट्रेलिया यांच्याविरुद्धच्या मॅचनंतर न्यूज चॅनलवर लाईव्ह चर्चा करत असताना वसीम अक्रमच्या कॅमेरासमोर एक जण आला आणि त्यानं वसीमला हटवलं. या सगळ्या प्रकारामुळे वाद निर्माण झाला होता. पण यावर आता खुद्द वसीम अक्रमनंच स्पष्टीकरण दिलं आहे. 

घडलेला हा प्रकार मला लक्ष्य करण्यासाठी केला गेला नव्हता, असं ट्विट वसीम अक्रमनं केलं आहे. तसंच माझ्याबाबत काळजी केल्याबद्दल वसीमनं चाहत्यांनाही धन्यवाद दिले आहेत. 

या सगळ्या प्रकरणावर चॅनलचे अँकर विक्रांत गुप्ता यांनीही ट्विट केलं आहे. वसीमला कोणीही हातदेखील लावला नाही. दारु प्यायलेल्या एका व्यक्तीनं कॅमेरासमोर येऊन प्रसिद्धी मिळवण्याचा प्रयत्न केला, असं विक्रांत गुप्ता म्हणाले आहेत.