PHOTO: लाल चिखल आणि हिरवगार शेत... कोकणातील सर्वात सुंदर दृष्य
कोकणात चांगलाच पाऊस झाल्यामुळे शेतीची कामं आता अंतिम टप्प्यात आली आहेत. त्यामुळे सध्या शेतातल्या बांधावर शेतकरी भात शेतीची लावणी करताना दिसून येत आहेत.
कोकणात सुरू असलेल्या या शेतीचे ड्रोन व्हिडीओ टिपले आहेत संगमेश्वरमधील अभिषेक खातू यांनी.
भात शेती हा कोकणातील लोकांचा पारंपारिक व्यवसाय आहे.
एकीकडे लाल चिखल आणि दुसरीकडे हिरवगार शेतं... हे दृष्य डोळ्यांचे पारण फेडतं.
पावसाळ्यात कोकणात सर्वत्र पारंपारिक पद्धतीने भात शेती केली जाते.
पावसाळ्यामध्ये कोकणचं सौंदर्य अधिक फुलतं पण त्याच वेळेला कोकणात लाल चिखलात सुरू असलेली शेती एक वेगळंच समाधान देऊन जाते.
एका बाजूला हिरवा परिसर तर दुसऱ्या बाजूला डोंगर रांगांमध्ये होत असलेली शेतीची कामे, जोडीला बांधावर बसून भाकर खाण्याची मजा काही औरच.