ओला-उबरनं प्रवास करताय? तुमच्या फायद्याची आणि चालकांना धडा शिकवणारी बातमी पाहाच
ओला-उबरनं प्रवास करताय? तुमच्या फायद्याची आणि चालकांना धडा शिकवणारी बातमी पाहाच
ओला उबरनं नियमित प्रवास करण्यांचा आकडा सध्या कमालीचा मोठा आहे. असं असलं तरीही यामध्ये प्रवास करताना होणारा मनस्तापही यातील अनेकजण सहन करत आहेत. त्यामागची कारणं बरीच आहेत.
अगदी मोक्याच्या वेळीच कॅबची बुकिंग रद्द करणं, बऱ्याचदा पेमेंट मोडवरून वाद घालणं या अशा अनेक अडणींना प्रवासी सामोरे जाताना दिसतात. पण, इथून पुढं मात्र हा त्रास कमी होणार आहे.
तुम्ही ओला-उबर बुक केलीत आणि चालकानं Ride Cancel केली तर तुम्हाला त्याची भरपाई मिळू शकते. कारण आता Ride नाकारल्यास चालकाला दंड आकारण्यात यावा असा प्रस्ताव विचाराधीन आहे.
अनेकदा ओला-उबर चालकांकडून कॅब बुक झाल्यानंतर काही मिनिटं शिल्लक असतानाच अचानक ट्रीप कॅन्सल करण्यात येते. त्यामुळे ग्राहकांचा वेळ वाया जातो, त्यांना मनस्ताप होतो.
आता मात्र इथं आळा घातला जाणार आहे. कारण, कोर्टाच्या आदेशानुसार राज्य सरकारनं समिती नेमून महाराष्ट्र मोटार वाहन नियमावली तयार केली आहे.
राज्य सरकारकडून मान्यता मिळाल्यानंतर ही नियमावली तयार करण्यात येणार आहे. हायकोर्टाकडून ओला,उबरसंबंधी राज्य सरकारसह परिवहन विभागाला प्रश्न विचारण्यात आले होते, त्यानंतर हालचालींना वेग आला आहे.