मेष - या राशीच्या लोकांच्या ऑफिसमध्ये अनेक लोकांचा स्वाभिमान दुखावला जाऊ शकतो. नवीन प्रयोग करत राहा. प्रेमासाठी आजचा दिवस खूप चांगला आहे. कुटुंबातील अडलेली कामं आज पूर्ण होतील. रागावर नियंत्रण ठेवा.


COMMERCIAL BREAK
SCROLL TO CONTINUE READING

वृषभ- करिअरशी संबंधित सध्या सुरू असलेल्या समस्या आता दूर होताना दिसत आहेत, यामुळे मानसिक ताण कमी होईल. तुम्हाला व्यवसायात काहीतरी नवीन आणि सर्जनशील करायचे असेल तर सध्याचा काळ तुमच्यासाठी अनुकूल आहे. वाद प्रेमाने सोडवण्याचा प्रयत्न करा. महिलांनी आरोग्याची काळजी घेणं गरजेचं आहे. 


मिथुन -  या राशीच्या लोकांनी घाईघाईने कामं करू नका. आरोग्याकडे लक्ष द्या. कोणत्याही महत्त्वाच्या गोष्टींकडे दुर्लक्ष करु नका. दिवस चांगला आहे. कुटुंब आणि जोडीदाराची साथ मिळेल. स्वतःची आणि कुटुंबाची काळजी घ्या. 


कर्क - दिवस चांगला आहे. अचानक धनलाभ होण्याची शक्यता आहे. अडकलेले पैसे मिळतील. कुटुंबाची आणि स्वतःची काळजी घ्या. बाहेरचे पदार्थ खाण टाळा. 


सिंह - वाद प्रेमाने सोडवण्याचा प्रयत्न करा. महिलांनी आरोग्याची काळजी घेणं गरजेचं आहे. ऑफिसमध्ये वेळेत जा. अडकलेले पैसे मिळतील. शेअर मार्केटमध्ये पैसे गुंतवू नका. आरोग्याची काळजी घ्या. 


कन्या- आज वाद होणार नाहीत याची काळजी घ्या. तुम्ही सरकारी नोकरीत असाल तर काळजीपूर्वक काम करा. छोट्या-छोट्या समस्यांमुळे घाबरून जाण्याची गरज नाही. आज नोकरीच्या संधी उपलब्ध होऊ शकतात. कुटुंबात आनंदाचं वातावरण राहिल. 


तुळ - भूतकाळात केलेल्या आर्थिक गुंतवणुकीवर बारीक नजर ठेवा, मानसिक आणि शारीरिकदृष्ट्या आजचा दिवस चांगला राहिल. तुमच्या मनात नकारात्मक विचारांना स्थान देऊ नका, नेहमी सकारात्मक राहा.


वृश्चिक- बॉसबद्दलची प्रत्येक गोष्ट गांभीर्याने घ्यावी. तुमचे मत व्यक्त करण्यात काही नुकसान नाही पण बॉसच्या विरोधात जाऊ नका. भूतकाळात केलेल्या आर्थिक गुंतवणुकीवर बारीक नजर ठेवा, मानसिक आणि शारीरिकदृष्ट्या आजचा दिवस चांगला राहिल. 


धनु - नोकरी करणाऱ्या लोकांनी कामाच्या ठिकाणी हयगय करू नये, त्यामुळे तुमची नोकरी धोक्यात येऊ शकते. कुटुंबातील वातावरण चांगलं राहिल. मित्र-कुटुंबाची मदत अडीअडचणीच्यावेळी होईल. 


मकर- गरजूंची मदत कराल, व्यवसाय सावधगिरीने करावा. कोणत्याही महत्त्वाच्या कागदावर सह्या करायच्या असतील तर घाई करू नका. आधी त्याचे नियम व अटी वाचा. वेळेची किंमत ओळखा आज वेळ वाया घालवणं महागात पडू शकतं. कामासोबत आरोग्याची काळजी घ्या. 


कुंभ- या राशीच्या लोकांना ऑफिसमधील वरिष्ठ सहकाऱ्यांकडून मार्गदर्शन मिळेल, ज्यामुळे ते ऑफिसची कामे अधिक सहजतेने करू शकतील. व्यावसायिकांना त्यांच्या व्यवसायाबाबत काही महत्त्वाचे निर्णय घ्यावे लागतील. ज्याचा ते खूप दिवसांपासून विचार करत होते. 


मीन -  या राशीच्या लोकांच्या कार्यालयात काही वाद असेल तर ते पुढे जाऊ देऊ नका, मात्र टीमसोबत प्रेम आणि सामंजस्याने काम करावे लागेल. व्यावसायिकांसाठी आजचा दिवस थोडा त्रासदायक असेल. छोट्या-छोट्या गोष्टींना महत्त्व देणं योग्य नाही, काही गोष्टींकडे दुर्लक्ष करायलाही शिका,  आईच्या तब्येतीची विशेष काळजी घ्या.