मुंबई : Ghatsthapana 2021 : देशभरात शारदीय नवरात्र पर्व गुरूवारपासून सुरू होत आहे. यावर्षी दोन तिथी एकत्र असणार आहेत. त्यामुळे नवरात्री 9 दिवसांची नसून 8 दिवसांची असणार आहे. आश्विन शुद्ध प्रतिपदेपासून सुरु होणाऱ्या या उत्सवाची सांगता दसऱ्याने होते. नवरात्रीच्या पहिल्या दिवशी घरोघरी घटस्थापना केली जाते. काही सार्वजनिक नवरात्रोत्सव मंडळांमध्येही घट बसवतात. 


COMMERCIAL BREAK
SCROLL TO CONTINUE READING

यंदा नवरात्रीवरही कोरोनाचं सावट आहे. त्यामुळे घरोघरी घटस्थापना होत आहे. मात्र नवरात्रीच्या दिवशी रात्री गरबा खेळून रात्र जागवली जाते. यावर मात्र सरकारने बंदी घातली आहे. 


घटस्थापनेचा शुभ मुहूर्त 


अश्विन महिन्यात सुरू होणारा नवरात्रोत्सव 7 ऑक्टोबरला सुरू होईल आणि 14 ऑक्टोबरला महानवमीला संपेल. नवरात्रीच्या पहिल्या दिवशी देवी शैलपुत्रीची पूजा केली जाते. यासोबतच घरात कलशची स्थापना केली जाते. गुरुवारी सकाळी 6.17 ते सकाळी 7.07 पर्यंत आहे. या शुभ काळात कलश स्थापन करणे फलदायी ठरेल. तथापि, यानंतरही, कलश स्थापित केले जाऊ शकते. (Shardiya Navratri 2021 Kalash Sthapana Shubh Muhurat)


या विधीपासून करा कलशाची स्थापना 


कलशाची स्थापना करण्यापूर्वी स्नान करा (Navratri 2021 Kalash Sthapana vidhi). यानंतर, माते दुर्गा, भगवान गणेश आणि नवग्रहांच्या मूर्तींसह कलश स्थापित करा. कलश स्थापनेच्या वेळी, सात प्रकारचे धान्य तुमच्या उपासना कक्षात ठेवा. शक्य असल्यास नदीतील वाळू ठेवा. नंतर लोंबीचा तांदूळ ठेवा. यानंतर, गंगाजल मिसळा आणि पाण्याने भरा. नंतर कलश आंब्याच्या पानांनी झाकून ठेवा. यानंतर, कलशच्या वर नारळ ठेवा.


हे देखील ठेवा 


परातीत/ टोपल्यात पेरलेल्या धान्यावर दिवसातून दोनदा थोडे थोडे पाणी घाला. नऊ दिवसांत ही धान्य छान वाढतात. त्याच्या वाढीनुसार आपल्या घराण्याची भरभराट होते, असे मानले जाते. नऊ दिवसांत वाढलेले रोप देवीचा आशीर्वाद म्हणून महिलांना केसात माळण्यासाठी वाटले जातात. नवरात्रातीत दुर्गेची पूजा ही "निर्मिती शक्तीची" पूजा असते. नवरात्रीतील घटाला सृष्टीचे रुप मानले जाते. या काळात कन्या पूजन करुन देवीच्या रुपाची पूजा केली जाते.