Vinayak Chaturthi 2022 : वर्षातील शेवटची विनायक चतुर्थी कधी? पूजेची तारीख, शुभ मुहूर्त जाणून घ्या
Vinayak Chaturthi 2022 Puja timing : वर्ष 2022 ची शेवटची विनायक चतुर्थी उद्या, 26 डिसेंबर 2022, सोमवारी साजरी केली जाईल. श्रीगणेशाला समर्पित चतुर्थी तिथीचे व्रत केल्याने सर्व संकटे दूर होतात.
Vinayak Chaturthi 2022 : 2022 हे वर्ष संपायला अवघे काही दिवस शिल्लक राहिले आहे. अशात या वर्षातली शेवटची विनायकी चतुर्थी येत्या 26 डिसेंबर २०२२ रोजी आहे. या दिवशी बुद्धीची देवता श्री गणरायाची पूजा केली जाते, उपास केले जातात. चतुर्थी तिथीला विनायक चतुर्थी आणि संकष्टी चतुर्थी म्हणतात. 2022 वर्षातील शेवटचा विनायक चतुर्थी व्रत उद्या म्हणजेच 26 डिसेंबर 2022 रोजी सोमवारी पाळण्यात येणार आहे. विनायक चतुर्थीच्या व्रताच्या दिवशी चंद्र पाहण्याची परंपरा आहे. या दिवशी चंद्रदेवाला अर्घ्य अर्पण केल्यावरच व्रत मोडतो. चतुर्थीचे व्रत केल्याने गणपतीची कृपा होते. जीवनातील सर्व संकटे दूर होतात आणि गणपती बाप्पा सर्व मनोकामना पूर्ण करतात. असा विश्वास आहे. विनायकी चतुर्थी व्रत पाळण्याची पद्धत, पूजेची वेळ आणि पद्धत जाणून घेऊया.
तारीख आणि पूजेसाठी शुभ मुहूर्त
हिंदू कॅलेंडरनुसार, पौष महिन्याच्या शुक्ल पक्षातील चतुर्थी तिथी सोमवार, 26 डिसेंबर रोजी पहाटे 4.51 वाजता सुरू होईल आणि 27 डिसेंबर रोजी पहाटे 1.37 वाजता समाप्त होईल. उदय तिथीनुसार 26 डिसेंबर 2022 रोजी विनायक चतुर्थी व्रत पाळण्यात येईल. या दरम्यान 26 डिसेंबर रोजी सकाळी 11.20 ते दुपारी 01.24 पर्यंत विनायक चतुर्थी व्रताची पूजा करण्याचा शुभ मुहूर्त असेल. या दिवशी विधीपूर्वक गणेशाची पूजा करावी. व्रत ठेवा आणि शास्त्रात सांगितलेल्या नियमांचे पालन करा. याने गणपती बाप्पा प्रसन्न होऊन तुमच्या सर्व मनोकामना पूर्ण करतील.
वाचा : Tunisha Sharma च्या मृत्यूला वेगळं वळण, आनंदी असतानाही का केली आत्महत्या?
चतुर्थी अतिशय शुभ
2022 च्या विनायक चतुर्थीच्या शेवटच्या दिवशी अतिशय शुभ योग तयार होत आहे. या योगांमध्ये केलेली पूजा आणि शुभ कार्य चांगले फळ देतात. सोमवार, 26 डिसेंबर रोजी सर्वार्थ सिद्धी योग आणि रवियोग तयार होत आहे. 26 डिसेंबर रोजी सर्वार्थ सिद्धी योग सकाळी 07:12 ते सायंकाळी 04:42 पर्यंत असेल. दुसरीकडे, रवि योग सकाळी 07:12 ते संध्याकाळी 04:42 पर्यंत असेल. याशिवाय अभिजित मुहूर्त - दुपारी 12.01 ते 12.42 आणि अमृत काल - सकाळी 7.27 ते 8.52 पर्यंत असेल.
व्रत केल्याचे फायदे
विनायक चतुर्थीला धर्मग्रंथात खूप महत्त्व आले आहे. या दिवशी प्रथम उपासक असलेल्या गणेशाची पूजा केल्याने मनुष्याला सुख-समृद्धी, ऐश्वर्य-वैभव आणि ऐश्वर्य प्राप्त होते. तसेच विघ्नहर्ता गणेश व्यक्तीचे सर्व दु:ख दूर करतो.
(Disclaimer: येथे दिलेली माहिती सामान्य समजुती आणि माहितीवर आधारित आहे. ZEE 24 taas त्याची पुष्टी करत नाही.)