मुंबई : आयपीएलमध्ये चेन्नई सुपर किंग्स आणि वेस्टइंडीजचा ऑल राउंडर ड्वेन ब्रावोने धोनीच्या वाढदिवशी एक खास गाणं बनवलं आहे. धोनी आज 39 वा वाढदिवस साजरा करत आहे. ब्रावोने धोनीच्या वाढदिवसानिमित्त हे खास गाणं तयार केलं आहे. धोनीसाठी तयार करण्यात आलेल्या या गाण्यामध्ये त्याने धोनीचा रांची पासूनचा वर्ल्डकप जिंकण्यापर्यंतचा प्रवास दाखवला आहे. ब्रावोने त्याच्या ऑफिशियल इंस्टाग्राम अकाउंटवर हे गाणं शेअर केलं आहे.


धोनीवर तयार करण्यात आलेलं हे गाणं फॅन्सला देखील आवडलं आहे. या गाण्यावर भरपूर कमेंट देखील येत आहेत. महेंद्र सिंह धोनी आज अनेकांसाठी प्रेरणास्थान आहे. त्याच्या स्वभावाने आणि कामगिरीने त्याने अनेकांचं मन जिंकलं आहे.