मुंबई : आयपीएलच्या 15 व्या मोसमाला (IPL 2022) आता अवघे काही दिवसच शिल्लक राहिले आहेत. क्रिकेट चाहते आतुरतेने वाट पाहत आहेत. या मोसमापासून 2 नवे संघ जोडले जाणार आहेत. प्रत्येक टीमने ट्रॉफी जिंकण्यासाठी जोरदार तयारी सुरु केली आहे. अशातच लखनऊ टीम वादातच्या भोवऱ्यात सापडली, ज्यामुळे फ्रँचायजीला जाहीर माफी मागावी लागली. महिला दिवसाच्या पार्श्वभूमीवर लखनऊने एक फोटो ट्विट केला होता. यावरुनच या संपूर्ण वादाला तोंड फुटलंय. (ipl 2022 new team lucknow super giants big mistake before start to 15th season) 


COMMERCIAL BREAK
SCROLL TO CONTINUE READING

नक्की काय झालं? 


लखनऊने महिला दिनाच्या शुभेच्छा देण्यासाठी एक फोटो ट्विट केला. हा फोटो ज्या चाहत्याने तयार केला होता, त्या चाहत्याला याचं क्रेडिट देण्यात आलं नाही. या वरुन वादावा तोंड फुटलं. अनेक नेटकऱ्यांनी या मुद्द्यावरुन नाराजी व्यक्त केली. परिणामी लखनऊला हा क्रीएटीव्ह फोटो तयार करणाऱ्या चाहत्याची माफी मागावी लागली अन् क्रेडिट द्यावं लागलं.



महागडी टीम 


लखनऊ आयपीएलमधील महगडी टीम असल्याची चर्चा आहे. संजीव गोयंका ग्रृपने 7 हजार 90 कोटी रुपयांमध्ये लखनऊ टीम खरेदी केली आहे. दरम्यान लखनऊ आयपीलमधील पहिला सामना हा 28 मार्चला गुजरात विरुद्ध खेळणार आहे.