New Zealand-Australia ला शेवटची संधी, सेमीफायनलचं समीकरण ठरणार?

T20 World Cup मध्ये न्यूझीलंड- ऑस्ट्रेलिया हे दोन्ही संघाचे आज सेमीफायनलचे समीकरण बऱ्याच अंशी निश्चित होणार आहे. पहिला सामना न्यूझीलंड आणि आयर्लंड यांच्यात होणार आहे. त्यानंतर लगेचच ऑस्ट्रेलियाची अफगाणिस्तानशी स्पर्धा होणार आहे.

T20 World Cup 2022: ऑस्ट्रेलियात आयोजित T20 World Cup 2022 मध्ये आज दोन महत्वाचे सामने खेळले जाणार आहेत. पहिला सामना न्यूझीलंड आणि आयर्लंड यांच्यात होणार आहे. त्यानंतर लगेचच ऑस्ट्रेलियाची अफगाणिस्तानशी स्पर्धा होणार आहे. हे दोन्ही सामने अॅडलेडच्या मैदानावर होणार आहेत.

या दोन्ही सामन्यांनंतर गट 1 मधून सेमीफायनलसाठी पात्र ठरण्याचा प्रबळ दावेदार कोण असेल. हे बऱ्याच अंशी निश्चित होणार आहे. या गटातील तीन संघ न्यूझीलंड, ऑस्ट्रेलिया आणि इंग्लंड यांच्या बरोबरीने 5-5 गुण आहेत. आज जर न्यूझीलंडने विजय मिळवला तर त्यांच्या उत्कृष्ट नेट रनरेटमुळे ते पात्र ठरतील.

न्यूझीलंड, ऑस्ट्रेलिया जिंकणे गरजेचे 

ऑस्ट्रेलियानेही आपला सामना जिंकल्याने उद्या (5 नोव्हेंबर) होणाऱ्या इंग्लंड आणि श्रीलंकेच्या (England and Sri Lanka) सामन्यावर अवलंबून राहावे लागणार आहे. जर इंग्लंडनेही सामना जिंकला तर नेट रन रेट दिसेल. त्या आधारे गट-1 मधील दुसरा संघ उपांत्य फेरी गाठू शकेल. म्हणजेच आता न्यूझीलंड, ऑस्ट्रेलिया आणि इंग्लंड या तिघांनाही आपला शेवटचा सामना जिंकावा लागणार असल्याचे स्पष्ट झाले आहे.

गट 1 मध्ये श्रीलंकेचे स्थान काय आहे?

या गटात श्रीलंकेचा संघही आहे. ज्याचा उद्या इंग्लंडविरुद्ध शेवटचा सामना होणार आहे. श्रीलंकेच्या संघाचे आता 4 गुण झाले आहेत. उपांत्य फेरी गाठण्यासाठी हा संघ पूर्णपणे ऑस्ट्रेलिया-न्यूझीलंड (Australia-New Zealand) सामन्यावर अवलंबून आहे. या दोन्ही संघांपैकी एकही संघ आपला सामना गमावला आणि श्रीलंकेने त्यांच्या शेवटच्या सामन्यात इंग्लंडला हरवले तर उपांत्य फेरीतील त्यांचा मार्ग मोकळा होईल.

T20 विश्वचषकासाठी चारही पूर्ण संघ

ऑस्ट्रेलियन संघ : अॅरॉन फिंच (कर्णधार), मॅथ्यू वेड, डेव्हिड वॉर्नर, मार्कस स्टॉइनिस, अॅश्टन अगर, पॅट कमिन्स, टिम डेव्हिड, जोश हेझलवूड, जोश इंग्लिस, मिचेल मार्श, ग्लेन मॅक्सवेल, केन रिचर्डसन, स्टीव्ह स्मिथ, मिचेल स्टार्क, अॅडम झम्पा .

अफगाणिस्तान संघ : मोहम्मद नबी (कर्णधार), राशिद खान, रहमानउल्ला गुरबाज, नजीबुल्ला झदरन, अजमतुल्ला ओमरझाई, दरवेश रसुली, फरीद अहमद, फझलहक फारुकी, हजरतुल्ला झाझाई, इब्राहिम झदरन, मुजीब उर रहमान, नवीन-उल-हक, कैस अहमद, सलीम साफी उस्मान गनी.

न्यूझीलंड संघ: केन विल्यमसन (क), टिम साऊदी, ईश सोधी, मिचेल सँटनर, ग्लेन फिलिप्स, जिमी नीशम, डॅरिल मिशेल, अॅडम मिल्ने, मार्टिन गुप्टिल, लॉकी फर्ग्युसन, डेव्हॉन कॉनवे, मार्क चॅपमन, मायकेल ब्रेसवेल, ट्रेंट बोल्ट, फिन ऍलन

आयर्लंड संघ: अँड्र्यू बालबिर्नी (क), मार्क एडेअर, कर्टिस केम्पफर, गॅरेथ डेलेनी, जॉर्ज डॉकरेल, स्टीफन डोहेनी, फिओना हँड, जोश लिटल, बॅरी मॅककार्थी, कोनर ओल्फर्ट, सिमी सिंग, पॉल स्टर्लिंग, हॅरी टेक्टर, लॉर्कन टकर, ग्रॅहम ह्यूम .