Video : जहीर-सागरिकाच्या रिसेप्शनमध्ये विराट-अनुष्काचा भांगडा

मुंबई : माजी क्रिकेटर जहीर खान आणि अभिनेत्री सागरिका घाटगे यांच्या लग्नाचं रिसेप्शन नुकतंच दिमाखात पार पडलं. या रिसेप्शनला अनेक दिग्गज खेळाडू आणि बॉलिवूड कलाकारांनी हजेरी लावली होती.

यात विराट कोहली आणि अनुष्का शेट्टी यांचाही समावेश होता. यावेळी सर्वांच्या नजरा या दोघांकडेच खिळल्या होत्या. विराट आणि अनुष्काचा या रिसेप्शनमधील डान्स व्हिडिओ सुद्धा चांगलाच चर्चेत आलाय.

विराट-अनुष्काचा भांगडा 

सोशल मीडियात या पार्टीचे काही व्हिडिओ व्हायरल झाले आहेत. त्यातील एका व्हिडिओत विराट आणि अनुष्का भांगडा करताना दिसत आहेत. त्यांच्यासोबत जहीर आणि सागरिका सुद्धा थिरकताना दिसत आहे. 

विराट-अनुष्का पार्टीचं आकर्षण

या पार्टीत विराट कोहली हा ग्रे सूटमध्ये तर अनुष्का ग्रे आणि सिल्व्हर लंहेगा चोलीमध्ये दिसत आहे. दोघांचे सोबतचे अनेक फोटोही व्हायरल झाले आहेत. या पार्टीत दोघांनी ‘तनु वेड्स मनु रिटर्न’मधील गाण्यावर ठुमके लगावले आहेत.