मुंबई : काही दिवसांपूर्वी अशी बातमी आली होती की whatsapp आता त्याच्या वापरकर्त्यांना आलेल्या मेसेजवर प्रतिक्रिया देण्याची परवानगी देणार आहे. whatsappच्या या फीचरची पहिली झलक ऑनलाइन समोर आली आहे. फेसबुकच्या मालकीचे मेसेजिंग अ‍ॅप आता समोरच्या व्यक्तीने केलेल्या मेसेजवर इमोजीमार्फत प्रतिक्रिया आणण्याचे काम करत आहे.


COMMERCIAL BREAK
SCROLL TO CONTINUE READING

फेसबुक, इन्स्टाग्राम, आयमेसेज आणि अगदी लिंक्डइन सारख्या अ‍ॅप्सवर हे वैशिष्ट्य आधीच उपलब्ध आहे. जेथे तुम्ही समोरच्या व्यक्तीला इमोजी पाठवू शकतात. या फीचरमुळे मेसेजला उत्तर देणे तुम्हाला आवडत नसेल, तर तुम्ही फक्त इमोजीचा वापर करुन त्या मेसेजवर प्रतिक्रिया देऊ शकता.


सुप्रसिद्ध टिपस्टर Wabetainfo ने WhatsApp च्या आगामी फीचरबद्दल सांगितले. Wabetainfo ने शेअर केलेल्या स्क्रीनशॉट्सवरून असे दिसून आले की, इमोजी प्रतिक्रिया अ‍ॅपवर पाठवलेल्या संदेशांच्या अगदी खाली दिसतील. हे वैशिष्ट्य पर्सनल आणि ग्रुप चॅटसाठी उपलब्ध असेल.


Wabetainfor ने आपल्या अहवालात म्हटले आहे की, ग्रुपचे लोक वैयक्तिकरित्या पाहू शकतील ज्यांनी संदेशावर प्रतिक्रिया दिली आहे.


एका मेसेजवर अनेक वेळा प्रतिक्रिया देऊ शकतात


Wabetainfo ने असेही उघड केले की, तुम्ही वेगवेगळ्या इमोजींसह मेसेजवर अनेक वेळा प्रतिक्रिया देऊ शकता. प्रक्रिया पूर्णपणे एन्क्रिप्ट केलेली आहे. जेणेकरून चॅटच्या बाहेर कोणीही आपल्या प्रतिक्रिया पाहू शकणार नाही.


व्हॉट्सअ‍ॅप फीचर ट्रॅकर दर्शविते की, हे फीचर सध्या विकसित केले जात आहे. सध्या दिसणाऱ्या अ‍ॅपपेक्षा अंतीप प्रोडक्ट वेगळं ही असू शकते. व्हॉट्सअ‍ॅप वापरकर्त्यांना अँड्रॉइड फोनमध्ये देखील चॅट हिस्ट्री ट्रान्सफर करण्याची सुविधा मिळेल.


व्हॉट्सअ‍ॅपने अधिकृतपणे आयफोनवरून अँड्रॉइड फोनवर चॅट इतिहास हस्तांतरित करण्याची शक्यता सांगितली आहे. तथापि, सुरुवातीला हे वैशिष्ट्य सर्व अँड्रॉईड फोनवर आणले जाणार नाही, जे व्हॉट्सअ‍ॅप सॅमसंग फोनपासून सुरू होते, जे अँड्रॉइड 10 आणि त्यावरील आवृत्तीत सुरू आहे.