Smartphone hack : इंटरनेटमुळे जग जवळ आलं आहे. त्यातच इंटरनेटमुळे प्रत्येकाच्या हातात स्मार्टफोन (smartphone) उपलब्ध झाला आहे. अशा परिस्थितीत, सायबर क्राइम (cyber crime) ची वाढती प्रकरणे ही काही आता नवीन गोष्ट राहिलेली नाही. या सायबर क्राइमला तुम्ही बळी पडू नये म्हणून तुम्हाला महत्त्वाची माहिती देणार आहोत. 


COMMERCIAL BREAK
SCROLL TO CONTINUE READING

आजच्या काळात क्वचितच असा कोणी असेल जो स्मार्टफोन वापरत नाही. स्मार्टफोनचे अनेक फायदे आहेत, पण फायद्यांसोबतच त्याचे तोटेही आहेत. एक मोठा तोटा म्हणजे स्मार्टफोनमधील व्हायरस आणि हॅकिंग. तुमच्या स्मार्टफोनच्या माध्यमातून हॅकर्स तुमचा महत्त्वाचा डेटा तर चोरू शकतातच पण तुमच्या बँक खात्यात प्रवेश करून ते रिकामेही करू शकतात.   


त्यातच स्पायवेअर अॅप्सबाबत (spyware apps) एक धक्कादायक अहवाल समोर आला आहे. या अॅप्समुळे लाखो अँड्रॉइड यूजर्सचा वैयक्तिक डेटा लीक (Android users’ personal data leaked) होत आहे. अशा अॅप्सचे बळी जवळपास अमेरिका, युरोप, ब्राझील, इंडोनेशिया आणि भारतात (India) मध्ये सापडले आहे. 


अनेकदा बहुतेक वापरकर्त्यांना स्पायवेअरची माहिती नसते. याप्रकरणी टेकक्रंचने (techcrunch) धक्कादायक खुलासा केला आहे. स्पायवेअरचे काम ते वापरकर्त्यांच्या स्मार्टफोनमधील डेटा चोरतात (stealing data from smartphones). या डेटामध्ये तुमच्या वैयक्तिक फोटोंसह एकाधिक खात्यांचे लॉगिन क्रेडेन्शियल्स देखील असू शकतात. दरम्यान या वर्षी जूनमध्ये एक कॅशे फाइल सापडली, जी TheTruthSpy च्या अंतर्गत नेटवर्कमधून टाकण्यात आली होती. या कॅशेमध्ये TheTruthSpy नेटवर्कमधील कोणत्याही स्पायवेअरसह लीक झालेल्या सर्व Android डिव्हाइसेसची माहिती होती.


काम एक पण नाव अनेक


TheTruthSpy नेटवर्कमध्ये Copy9, MxSpy, iSpyoo, SecondClone, TheSpyApp, ExactSpy, GuestSpy आणि FoneTracker स्पायवेअरचा समावेश आहे. या सर्व अॅप्सची नावे भिन्न असू शकतात, परंतु हे सर्व अॅप्स समान असून त्याची कामे देखीस एकसारखी आहेत. या यादीमध्ये स्मार्टफोन्सचे IMEI क्रमांक किंवा त्यांच्या अद्वितीय जाहिरात आयडीचा तपशील समाविष्ट आहे.


संकुचित डेटाच्या मदतीने, टेकक्रंचने स्पायवेअर लुकअप टूल विकसित केले आहे. याच्या मदतीने तुमचा फोन हॅक (phone hack) झाला आहे की नाही हे तुम्ही जाणून घेऊ शकता. तसेच तुम्ही तुमच्या डिव्हाइसवरून स्पायवेअर काढू शकता. स्पायवेअर लुकअप टूल (Spyware lookup tool) कसे कार्य करते ते जाणून घेऊया.


याप्रमाणे तपासू शकता 


– सर्वप्रथम तुम्हाला सुरक्षित उपकरणाची आवश्यकता असेल. उदाहरणार्थ, तुम्ही तुमच्या कुटुंबाचा किंवा मित्राचा फोन किंवा संगणक वापरू शकता.


– तुम्हाला त्या डिव्हाइसवरून https://techcrunch.com/pages/thetruthspy-investigation/ पृष्ठावर जावे लागेल. येथे तुम्हाला IMEI आणि Ads ID चा पर्याय दिसेल.


– तुमचा फोन या लीकमध्ये सामील आहे की नाही हे जाणून घेण्यासाठी, तुम्हाला तुमचा IMEI नंबर किंवा जाहिराती आयडी येथे टाकावा लागेल.


- तुमच्या फोनचा अॅड्स आयडी बदलला असेल तर समजा की स्मार्टफोनमध्ये स्पायवेअर इन्स्टॉल केले आहे. अशा परिस्थितीत हे साधन तुम्हाला मदत करू शकणार नाही. दुसरीकडे लुकअप टूलवर मॅच दिसल्यास, याचा अर्थ असा होतो की लीक झालेल्या यादीमध्ये तुमचा फोन सापडला आहे.


- ‘Likely Match’ दिसत असल्यास, याचा अर्थ तुमचा IMEI डेटा किंवा जाहिराती आयडी रेकॉर्डमध्ये सापडला आहे परंतु त्यात जास्त डेटा नाही. जर कोणतीही जुळणी दिसत नसेल तर याचा अर्थ तुमचे डिव्हाइस सुरक्षित आहे.