रंग बदलणारा मोबाइल पाहिलाय का? पाहा कधी येणार आणि काय आहेत फिचर्स?

Smartphone : Vivo ने ऑगस्ट महिन्याच्या सुरुवातीला भारतात स्मार्टफोनची V25 मालिका लॉन्च केली होती. आतापर्यंत या मालिकेत vanilla V25 आणि V25 Pro चा समावेश आहे. त्यातच आता चीनी (China) स्मार्टफोन (Smartphones) निर्माता कंपनी Vivoनं आता भारतातला पहिला रंग बदलणारा स्मार्टफोन लॉन्च करण्याची घोषणा केली आहे. चला जाणून घेऊया Vivo V25e बद्दल...

Vivo V25e ची वैशिष्ट्ये 

V25e मध्ये 90Hz रिफ्रेश रेटसह 6.44 इंचाचा फुल HD + AMOLED डिस्प्ले असेल. यामध्ये फ्रंट कॅमेऱ्यासाठी वरच्या मध्यभागी वॉटर-ड्रॉप नॉच असेल. सुरक्षिततेसाठी, V25e मध्ये इन-डिस्प्ले फिंगरप्रिंट सेन्सर असेल. स्मार्टफोनमध्ये MediaTek Helio G99 चिपसेट असेल. या चिपसेटमध्ये 8-कोर असून ज्यापैकी दोन 2.2GHz वर क्लॉक केलेले आहेत आणि इतर सहा 2.0GHz वर क्लॉक केलेले आहेत. यात ऑनबोर्ड Mali G57 MC2 GPU देखील आहे.

Vivo V25e कॅमेरा

Vivo V25e मध्ये मागे ट्रिपल कॅमेरा सेटअप आहे. ज्यामध्ये OIS सह 64MP f/1.79 प्राथमिक कॅमेरा, 2MP f/2.4 बोकेह लेन्स आणि 2MP f/2.4 मॅक्रो युनिट समाविष्ट आहे. समोर डिव्हाइसमध्ये f/2.0 अपर्चरसह 32MP सेल्फी कॅमेरा असेल.

Vivo V25e बॅटरी

Vivo V25e मध्ये 44W फास्ट चार्जिंग क्षमतेसह 4,500mAh बॅटरी असेल. ऑपरेटिंग सिस्टमसाठी, ते Android 12 वर आधारित Funtouch OS 12 असेल. कनेक्टिव्हिटीसाठी, फोन ड्युअल नॅनो सिम स्लॉट, एक हायब्रिड मायक्रोएसडी कार्ड स्लॉट, 5GHz वाय-फाय, ब्लूटूथ 5.2 आणि USB टाइप-सी ऑफर करेल.

Vivo V25e बॅक पॅनलचा रंग बदलेल

Vivo V25e ब्लॅक आणि गोल्ड कलर पर्यायांमध्ये येईल. दोनपैकी, गोल्ड कलर पर्यायामध्ये रंग बदलणारा बॅक पॅनल असेल जो सूर्यप्रकाशाच्या संपर्कात आल्यानंतर नारिंगी होतो.