मुंबई : जगात कोरोनाचं थैमान थांबत नाहीये. चीनच्या वुहानपासून सुरू झालेल्या कोरोनाने संपूर्ण जगाला वेढले आहे. जॉन्स हॉपकिन्स विद्यापीठाच्या म्हणण्यानुसार, जगभरात एकूण 18,46,963 लोकांना कोरोनाची लागण झाली आहे, तर आतापर्यंत 1,14,185 लोकांचा मृत्यू झाला आहे. अमेरिकेत कोरोना संक्रमणाची संख्या झपाट्याने वाढली आहे आणि आता मृत्यूच्या बाबतीत अमेरिकेने इटलीला मागे टाकलं आहे.


अमेरिकेतील मृतांची संख्या 22,000 च्या वर 


COMMERCIAL BREAK
SCROLL TO CONTINUE READING

कोरोनाच्या महामारीपुढे सुपरपावर अमेरिका टिकू शकला नाही. वृत्तसंस्था पीटीआयच्या म्हणण्यानुसार, अमेरिकेत गेल्या 24 तासांत कोरोनामुळे जवळपास 1,514 लोकांचा बळी गेला आहे. अमेरिकेत 5,56,044 लोकांना कोरोनाची लागण झाली आहे आणि आतापर्यंत 22,020 लोक मरण पावले आहेत.


इटलीमध्ये 19,000 हून अधिक लोकांचा मृत्यू 


जगात कोरोना विषाणूमुळे इटलीमध्ये मृत्यूचे प्रमाण सर्वाधिक आहे आणि दररोज मृत्यूची संख्या वाढत आहे. वर्ल्डमीटरने दिलेल्या माहितीनुसार, इटलीमध्ये गेल्या 24 तासांत 431 लोकांचा मृत्यू झाला आहे आणि कोरोना विषाणूमुळे इटलीमध्ये मृत्यूची संख्या 19,899 वर पोहोचली आहे. इटलीमध्ये कोरोना विषाणूमुळे पीडित लोकांची संख्या वाढून 1,56,363 झाली आहे.


स्पेनमध्ये 1,66,000 हून अधिक लोकांना कोरोनाची लागण झाली आहे. युरोपियन देश स्पेनमध्ये कोरोना संसर्ग खूप वेगाने वाढला आहे. स्पेनमधील मृतांचा आकडा 17,209 वर पोहोचला आहे. गेल्या 24 तासांत कोरोनामुळे स्पेनमध्ये 303 लोकांचा मृत्यू झाला आहे, तर 3804 नवीन रुग्णांची नोंद झाली असून संक्रमित लोकांची एकूण संख्या 1,66,831 पर्यंत पोहोचली आहे.


कोणत्या देशात कोरोनाची किती बळी


अमेरिका - 22,020


इटली - 19,899


स्पेन - 17,209


फ्रान्स - 14,393


ब्रिटन - 10,612


इराण - 4,474


चीन - 3,341


बेल्जियम - 3,600


जर्मनी - 3,022


नेदरलँड्स - 2,737


ब्राझील - 1,223


तुर्की - 1,198


स्वित्झर्लंड - 1,106


स्वीडन - 899


पोर्तुगाल - 504


इंडोनेशिया - 373


ऑस्ट्रिया - 350


आयर्लंड - 334


रोमानिया - 316


भारत - 308