मुंबई : Meta Metaverse अर्थात Horizon Worlds चे आभासी जग वादात सापडले आहे. वास्तविक या आभासी दुनियेत रिअल एक्सपेरियन्सवर संशोधन करणाऱ्या एका मुलीने येथे एका अनोळखी व्यक्तीवर बलात्काराचा आरोप केला आहे. मुलीचे म्हणणे आहे की, बलात्काराच्या वेळी इतर लोक तमाशा पाहत राहिले आणि काहींनी वोडकाची बाटलीही पुढे केली.


21 वर्षीय तरुणीसोबत घडलेली घटना


COMMERCIAL BREAK
SCROLL TO CONTINUE READING

SumOfUs ही एक जागतिक ना-नफा वकिली संस्था आहे. जी हवामान बदल, कामगारांचे हक्क, भेदभाव, मानवाधिकार, प्राण्यांचे हक्क, भ्रष्टाचार आणि कॉर्पोरेट पॉवर बळकावणे यासारख्या मुद्द्यांवर चळवळ राबवते. अहवालानुसार, या संस्थेने या महिन्याच्या सुरुवातीला 21 वर्षीय रिसर्चरला या व्हर्च्युअल जगात पाठवले.


या व्हर्च्युअल दुनियेत प्रवेश केल्याच्या 1 तासाच्या आत या मुलीच्या रिसर्चर अवतारावर लैंगिक अत्याचार झाल्याचे अहवालात सांगण्यात आले. इथे मुलीचा अनुभव गोंधळात टाकणारा होता. हे संशोधन महत्त्वाचे असल्याचे तिचे मत आहे. 


मुलीने सांगितले की हे सर्व इतक्या वेगाने घडले की एक प्रकारे मी त्यातून बचावाचा प्रयत्न केला. परंतू नंतर माझं मन म्हणत होतं की, नक्की हे काय सुरूये. खरं तर इथे माझं खरं शरीर नाहीये. म्हणून आता हे संशोधन जास्त महत्वाचं आहे.


मुलीने पर्सनल बाउंड्री फीचर वापरले नाही.


मुलीच्या आरोपावर, मेटाचे प्रवक्ते म्हणतात की, या मुलीच्या रिसर्चरने 'पर्सनल बाउंड्री' फीचरचा वापर केला नाही. 


त्यांनी स्पष्ट केले की हे एक सुरक्षा उपकरण आहे. जे मित्र नसलेल्यांना एक मीटर दूर अंतरावर थांबवण्यासाठी वापरले जाते. त्याचा वापर करून अनोळखी लोक तुमच्याकडे येऊ शकत नाहीत. 


मेटा प्रवक्त्याचे म्हणणे आहे की, या आभासी जगात मित्र नसलेल्या किंवा अनोळखी व्यक्तींसाठी वैयक्तिक सीमा डीफॉल्टनुसार सुमारे 4 फूट आहे.


हे अनोळखी लोकांपासून दूर राहण्यासाठी केले गेले आहे, परंतु बरेच लोक सुरक्षा फीचर बंद ठेवतात. आम्ही आमच्या वापरकर्त्यांना सूचित करू इच्छितो की, अनोळखी व्यक्तींसह सुरक्षा फीचर्स कधीही बंद करू नये.