ज्याचा मुंबई हल्ल्यात हात होता, पाकिस्तानात आज त्याच्या घराजवळ बॉम्बस्फोट

दहशतवादी हाफिज सईदच्या घराजवळ मोठा बॉम्बस्फोट, 15 जखमी

लाहौर: पाकिस्तानच्या लाहौरमध्ये बॉम्ब स्फोट झाल्याची माहिती मिळाली आहे. या हल्ल्यामध्ये 15 लोक जखमी झाल्याची माहिती मिळाली आहे. या लोकांना उपचारासाठी रुग्णालयात दाखल करण्यात आलं. हा हल्ला दहशतवादी हाफिज सईदच्या घराजवळ झाल्याची माहिती मिळत आहे.

जिओ रिपोर्टनं दिलेल्या माहितीनुसार पोलीस आणि रेस्क्यू टीम घटनास्थळी दाखल झाली असून नेमका हल्ला कुणी कशासाठी केला याबाबत तपास सुरू आहे. हा धमका इतका जबरदस्त होता की आजूबाजूच्या इमारती-घरांच्या काचाही फुटल्या.

झालेल्या हल्ल्यामध्ये 2 जणांचा मृत्यू झाला असून 15 जखमी आहेत. तर दोघांची प्रकृती गंभीर असल्याची माहिती मिळाली आहे. या स्फोटामुळे घटनास्थळावरील गाड्यांचंही मोठ्या प्रमाणात नुकसान झालं. जखमींना जिन्ना रुग्णालयात उपचारासाठी दाखल करण्यात आलं.