Haunted Jail: `हे` आहे जगातील सर्वात भयानक जेल, जिथे कैद्यांचा आत्मा देखील थरथर कापायचा

मुंबई : आपल्याला तर हे माहित आहे की, एखाद्या व्यक्तीवरील गुन्हा सिद्ध झाला तर त्याला तुरुंगात ठेवले जाते. असे म्हटले जाते की, हे तरुंगात जाणे म्हणजे माणसाचे हाल होणे. कारण तो व्यक्ती तसाही एक प्रकारची शिक्षाच भोगत असतो. त्यामुळे ही जागा वाईट आणि भीतीदायक असते असं म्हणायला काही हरकत नाही. परंतु तुम्हाला माहितीय का की, अमेरिकेतील फिलाडेल्फिया येथे इस्टर्न स्टेट पेनिटेंशरी नावाचे तुरुंग आहे. हे तुरुंग अमेरिकेतील सर्वात भीतीदायक आणि झपाटलेले तुरुंग मानले जाते. त्यामुळे इथे एखाद्या गुन्हेगाराला घेऊन जाणे हे नरकात जाण्यासारखेच होते.

हे कारागृह 142 वर्षेापूर्वीचे आहे, अमेरिकेच्या इतिहासातील सर्वात भयानक गुन्हेगार अल कॅपोन याला या तुरुंगात ठेवण्यात आले आहे. हे लॉकहाऊस अमेरिकेतील काही सर्वात हिंसक आणि भ्रष्ट गुन्हेगारांचे घर होते.

डेली स्टारच्या अहवालानुसार, एका संशोधक त्या ठिकाणी पोहोचला आणि त्याने तेथील छळ, रोग, खून आणि वेडेपणाची अनेक उदाहरणे पाहिली. या मोडकळीस आलेल्या इमारतीचा इतिहास इतका भीषण आहे की तुमचा देखील थरकाप उडेल.

तेथे गेलेल्या एका संशोधकाने तेथील सर्व गोष्टींचा अभ्यास केला. त्या संशोधकाचं नाव गुपीत ठेवण्यात आलं आहे.

त्याने खुलासा केला की मी पूर्वेकडील राज्यातील सेलचा शोध घेण्यात सुमारे तीन तास घालवले. कोसळलेल्या भिंती, विष्ठा आणि पलंग आणि भिंतींवर काढलेल्या पेंटपर्यंत सर्व गोष्टींचे फोटो काढले. कैद्यांना काय वाटले असेल याची कल्पना करत ते एका कोठडीत देखील बसले आणि त्यांनी त्याचा अभ्यास केला..

त्यांनी पुढे सांगितले की, येथील भिंती आणि मजल्यांमध्ये एक इतिहास आहे. अगदी पोलादी पलंग एक कथा सांगतात. आपल्यापैकी कोणीही या तुरुंगाची खरोखर कल्पना करू शकत नाही. येथे कैद्यांना पाण्यात राहण्याची शिक्षा दिली जात होती.

त्यांनी एक उदाहरण देत सांगितले की, तेथे कैद्यांना प्रथम विसर्जित सोडलं जायचं आणि नंतर त्यांच्या त्वचेवर बर्फ तयार होईपर्यंत त्यांना भिंतीवर टांगलं जायचं. आता तुम्हीच विचार करा की, त्या तुरुंगात कैद्यांची काय अवस्था होत असेल आणि त्याला जगातील खतरनाक तुरुंग का म्हटलं जातं.