रॅपरचा अकस्मात मृत्यू; अपघात की घातपात...गूढ कायम?

नवी दिल्ली : रॅपर यंग डॉल्फ याचं वयाच्या 36 व्या वर्षी मेम्फिसमध्ये निधन झालं आहे. गोळीबारात त्याचा मृत्यू झाल्याची माहिती आहे. तो त्याच्या 2020 अल्बम 'रिच स्लेव्ह' साठी लोकप्रिय होता. एपीएच्या प्रतिनिधीने दिलेल्या माहितीनुसार, " यंग डॉल्फच्या अचानक निधनामुळे आम्हाला खूप दुःख झाले आहे."

निवेदन केलं सादर

या निवेदनात म्हटल्याप्रमाणे, "जगाने एक महान माणूस आणि लाडका कलाकार गमावला आहे. त्याचं समर्पण, ड्राइव्ह, कठोर परिश्रम आणि त्याच्या सभोवतालच्या प्रत्येकाबद्दलची निष्ठा नेहमीच प्रथम येते. त्याची नेहमीच आठवण येत राहील. या कठीण काळात आम्ही त्यांच्या कुटुंबासाठी प्रार्थना करतो."

दुकानाच्या मालकाने पाहिलेली घटना सांगितली

एका अहवालानुसार, बुधवारी दुपारी साऊथ मेम्फिसमधील मेकेडा होममेड कुकीज याठिकाणी शूटिंग सुरू होते. स्टोअरच्या मालकाने पुढे सांगितलं की, यंग डॉल्फ कुकीज खरेदी करण्यासाठी आत आला होता जेव्हा कोणीतरी कारला धडकल्यानंतर त्याला गोळ्या घालून ठार केलं.

21व्या वर्षी भावाचा मृत्यू

यंग डॉल्फ ज्यांचं खरं नाव डॉल्फ रॉबर्ट थॉर्नटन, जूनियर होतं. त्याचा जन्म शिकागोमध्ये झाला होता, पण तो लहान वयातच मेम्फिसला गेला. तो रॅपर  ज्यूस राइटचा चुलत भाऊ होता, ज्याचा 8 डिसेंबर 2019 रोजी शिकागोच्या मिडवे आंतरराष्ट्रीय विमानतळावर 21 व्या वर्षी ड्रग्जच्या ओव्हरडोजमुळे मृत्यू झाला होता.