नवऱ्याने घरकामात मदत केली नाही म्हणून बायकोकडून भयानक कृत्य, ऐकून तुम्हीही हादराल

मुंबई : नवरा-बायकोचं नातं खूप खास असतं. या नात्यात प्रेम, भांडणं, मैत्री, दुरावा बऱ्याच गोष्टी येतात. ज्याला नवरा-बायको दोघांनी मिळून चालवायचं असते. नवरा आणि बायको दोघांनीही जर आपल्या नात्याला समान महत्व दिलं आणि आपली जबाबदारी जाणून घेतली, तर या दोघांच्या नात्याला कधीही तडा जात नाही. शिवाय जबाबदारी स्वीकारणं एवढंच नात्यात महत्वाचं नसतं, तर आपल्या कुटुंबाला आणि जोदीदाराला वेळ देणं हे देखील नात्यात फार महत्वाचं आहे. परंतु या सगळ्यात एकाची जरी साथ सुटली किंवा एकाने जरी काढता पाय घेतला, तर मात्र हे सुंदर नातं, मोडकळीस येतं.

प्रत्येक बायकोला असं वाटत असतं की, आपल्या नवऱ्यानं आपली कामात मदत करावी, आपली विचारपूस करावी. प्रेमाचे चार शब्द बोलावेत. ज्यामुळे तिला चांगलं वाटेल आणि दिवसभरातील त्राण निघून जाईल. परंतु तरीही काही नवरे ते करत नाहीत, ज्यामुळे बायका त्यांच्यापाठी कुरकुर करतात.

बायकांच्या या बडबडीला अनेक नवरे मंडळी एका कानाने ऐकताता आणि दुसऱ्याने सोडून देतात आणि आपलं नेहमी प्रमाणे सुरु ठेवतात.

असंच काहीसं एका कुटुंबात घडलं, ज्याचा परिणाम खूपच भयावह होता.

सर्बियातील जरजानिन येथे 10 मे रोजी रात्री 9 वाजता पत्नीने पतीची हत्या केल्याची घटना उघडकीस आली. ज्यानंतर सर्वत्र खळबळ उडाली आहे. 

रिपोर्टनुसार एका बायकोनं आपल्या नवऱ्याला संपवलं कारण तो तिला कामामध्ये जराही मदत करत नव्हता. शेवटी तिने आपल्या नवऱ्याला संपवण्याचा निर्णय घेतला. परंतु ती एवढ्यावरच थांबली नाही, तर तिचा हा राग तिच्या डोक्यात गेला होता, ज्यामुळे तिचं डोकं एखाद्या सायको किल्लर सारखं चालू लागलं. तिने आपल्या नवऱ्याला मारलं आणि त्याच्या शरीरारचे तुकडे करुन भांड्यात टाकले.

खरंतर या रागावलेल्या बायकोनं आपल्या नवऱ्याला त्याच्या खाण्यामधून ड्राग्स दिलं होतं, त्यानंतप हा नवरा बेशुद्घ पडला आणि नंतर या बायकोनं हे सगळं भयानक कृत्य केलं.

ही महिला हे सगळं करत असताना तिच्या लहान मुलीनं हे पाहिलं, ज्यामुळे या क्रुर महिलेचं हे प्रकरण समोर आलं.

या मुलीने आईविरुद्ध पोलिसांत साक्ष दिली. आईने तिच्या डोळ्यासमोर वडिलांची हत्या केल्याचे मुलीने सांगितले. मुलीने सांगितले की तिच्या आईने तिच्या सावत्र वडिलांची डोळ्यासमोर हत्या केली.