कपडे काढून व्हायचा नग्न, मग करायचा चोरी...

बीजींग : माणूस कोणत्याही क्षेत्रात असला तरी, त्याचा व्यक्ती तितक्या प्रवृत्ती हा गुण दिसतोच. एका चोरट्याच्या बाबतीतही ही बाब पुढे आली आहे. हा चोरटा चोरी करण्यापूर्वी चक्क स्वत:ची कपडे उतरवून नग्न होत असे आणि मगच चोरी करत असे.

खरे तर, कोणताही चोर आपली ओळख लपवूनच चोरी करतो. त्यासाठी तो तशी खास तयारीही करतो. पण, अलिकडे बहुतांश ठिकाणी सीसीटीव्हीचा वापर करण्यात येत असल्यामुळे अनेक फुटेज सोशल मीडियावर व्हायरल होतात. अशा फुटेजपैकी एका चोरट्याचे चोरी करतानाचा व्हिडिओ सध्या भलताच व्हायरल झाला आहे.

घटना आहे चीनमधील ग्वांगदोंग प्रांतातील दोंगुआन शहरातील. इथला एक चोर स्वच्छतेच्या बाबतीत प्रचंड दक्ष राहणारा. त्याला थोडीदेखील अस्वच्छता आवडत नसे. त्यामुळे चोरी करताना कपडे खराब होतील म्हणून तो चक्क आपली कपडे उतरवायचा. अगदी तो आपल्या अंगावर अंतर्वस्त्रेही ठेवत नसे. चोरी करण्यापूर्वी तो आगोदर पूर्णपणे नग्न व्हायचा आणि मगच चोरी करायचा. या चोराने वेगवेगळ्या ९ ठिकाणी केलेल्या चोरीत रोख रक्कम लंपास केली आहे.

या चोरट्याच्या चोरीचे सीसीसटीव्ही फुटेज पाहून पोलीसही अवाक झाले. मात्र, जेव्हा पोलिसांनी त्याला पकडले तेव्हा, त्याने आपल्या नग्न होऊन चोरी करण्याचे गुपीत सांगितले.