US Secret Service offers Obamas' Hawaii home for physical relationsip : अमेरिकेच्या अध्यक्षांभोवती असणारा सुरक्षा रक्षकांचा गराडा कायमच चर्चेचा विषय ठरला आहेत. राष्ट्राध्यक्षपदी असताना आणि या पदाचा त्याग केल्यानंतरही या मंडळींना सुरक्षा प्रदान करण्यात येते. पण, अमेरिकेचे माजी राष्ट्राध्यक्ष बराक ओबामा यांच्या सुरक्षिततेच मात्र हयगड झाल्याची धक्कादायक बाब नुकतीच समोर आली आहे. 


COMMERCIAL BREAK
SCROLL TO CONTINUE READING

अमेरिकेतच ओबामांच्या ताफ्यात असणाऱ्या एका सिक्रेट सर्विस एजंटवर राष्ट्राध्यक्षांच्या खासगी मालमत्तेत जात तिथं कथित स्वरुपात सुरक्षाकवच भेद सुरक्षिततेसंबंधी शिष्टाचाराचं उल्लंघन केल्यानंतर नोकरीवरून काढण्याची कारवाई करण्यात आली होती. एका पुस्तकातून यासंबंधीचा खुलासा करण्यात आला, ज्यामध्ये या एजंटनं तत्कालीन फर्स्ट लेडी (मिशेल ओबामा)च्या न्हाणीघरात शरीरसंबंध ठेवण्याविषयी वक्तव्य केलं होतं. 


ओबामांच्या सुरक्षिततेसाठी तैनात करण्यात आलेल्या या हेरानं 2022 मध्ये त्यांच्या खासगी मालमत्तेत घुसखोरी करत तिथं त्यानं आपल्या प्रेयसीलाही सोबत नेलं होतं. या कृत्यामुळं हेरानं राष्ट्रीय सुरक्षिततेमध्ये णावाची परिस्थिती निर्माण केल्यानं त्याच्यावरील आरोप सिद्ध झाल्यानंतर पदावरून त्याला काढण्याचा निर्णय घेण्यात आला होता. 


एबीसी न्यूजच्या वृत्तानुसार या हेराची EX GIRLFRIEND कोरयेह ड्वेनयेननं तिच्या पुस्तकामध्ये यासंबीचा खुलासा करत जाहीरपणे काही गोष्टी समोर आणल्या, ज्यानंतर तपास झाला आणि या सिक्रेट एजंटवर कारवाई करण्यात आली. 'अंडरकवर हार्टब्रेक: ए मेमॉयर ऑफ ट्रस्ट एंड ट्रॉमा' या पुस्तामध्ये राष्ट्राध्यक्षांच्या सुरक्षिततेत कशा पद्धतीनं काही चुकीचे निर्णय घेतले गेले यावर उजेड टाकण्यात आला आहे. 28 ऑक्टोबर रोजी या पुस्तकाचं अनावरण झाल्यानंतर पुस्तकात ही महिला एजंटला 'डेल' (कोड नेम) या नावानं संबोधताना दिसली, जिथं तिनं आपल्या प्रियकरानं फर्स्ट लेडीच्या न्हाणीघरात शरीरसंबंध ठेवम्याचा पर्याय दिल्याचा दावाही केला. 'मिशेल ओबामांच्या, जगातील सर्व सोयीसुविधा असणाऱ्या बाथरुममध्ये आपण S*# केला पाहिजे. यात भीती कसली, कोणालाच काही कळणार नाही' असं तो तिला म्हणाला होता. 


हेसुद्धा वाचा : घरादारासकट फिरायला निघा; महिंद्राच्या 'या' दणकट, स्वस्त कारसाठी शोरूमबाहेर रांगा लावतायत लोक 


गुग्लील्मीचा हवाला देत एबीसी न्यूजनं प्रसिद्ध केलेल्या वृत्तानुसार 6 नोव्हेंबर 2022 मध्ये संरक्षणात्मक कामांमध्ये सहभागी असणाऱ्या एका हेरानं प्रवेशासाठीचा कोणताही परवाना नसणाऱ्या महिलेला इथं आणलं होतं. ज्या क्षणी सिक्रेट सर्विस टीमला याविषयी माहिती मिळाली, तेव्हा अनेकांनाच धक्का बसला. ही संपूर्ण घटना घडली त्यावेळी बराक ओबामा आणि त्यांच्या पत्नी, मिशेल ओबामा तिथं उपस्थित नव्हत्या.