Viral News: तरुणाने मगरीच्या तोंडात हात टाकला आणि पुढच्याच क्षणी पश्चाताप झाला; पाहा VIDEO
प्रेक्षकांसमोर तरुणाने स्टंट करत मगरीच्या तोंडात हात टाकला. यानंतर जे काही झालं ते पाहून प्रेक्षकांच्या पायाखालची जमीनच सरकली.
सोशल मीडियावर एक व्हिडीओ व्हायरल झाला आहे, ज्यामध्ये स्टंटमन मगरीच्या तोंडात हात घालताना दिसत आहे. हा व्हिडीओ द मिलियन इयर्स स्टोन पार्क आणि पट्टाया क्रोकोडाइल फार्ममधील आहे. हा स्टंट करत असतानाच एका क्षणी सर्वांच्या पायाखालची जमीन सरकली. उपस्थित प्रेक्षकांसमोर हँडलरने मगरीच्या उघड्या तोंडात हात ठेवून धाडसी स्टंट करण्याचा प्रयत्न केला. यावेळी अचानक आणि अनपेक्षितपणे मगरीने आपला जबडा बंद केला आणि हँडलरच्या हाताचा चावा घेत त्याला जखमी केलं.
मगरीने जबडा बंद करतात स्टंटमनने त्याचा हात मागे खेचून घेतला. यावेली त्याच्या हातातून रक्त वाहत असल्याचं दिसत आहे. हे सर्व रक्त तिथे जमिनीवरही सांडलं. हा क्षण पाहिल्यानंतर उपस्थित प्रेक्षकांचाही आपल्या डोळ्यावर विश्वास बसत नव्हता.
ही सगळी घटना कॅमेऱ्यात कैद झाली असून व्हिडीओ सोशल मीडियावर व्हायरल झाला आहे. इंस्टाग्रामवर या व्हिडीओला 42.8 मिलियन व्ह्यूज आणि 7 लाख 42 हजारापेक्षा जास्त लाईक्स मिळाले आहेत. या व्हिडीओवर अनेकजण कमेंट करत आहेत.
व्हिडीओ पाहिल्यानंतर सोशल मीडिया युजर्सना धक्का बसला, मगरीने आपला हात सोडला याचा आनंद झाला पाहिजे असं एका युजरने लिहिलं आहे. तर एकाने म्हटलं की, प्राण्यांशी खेळणं बद करा, तुम्हाला त्याची देहबोली समजत नाही. एकाने त्याला आयुष्यभराचा धडा मिळाला अशी कमेंट केली आहे.
दरम्यान, पूर्व इंडोनेशियात नदीत आंघोळ करणाऱ्या एका महिलेला मगरीने ठार केलं. पोलीस आणि स्थानिकांनी गितले की, गावकऱ्यांनी नंतर मगरीची हत्या करत तिच्या शरीराचे काही भाग बाहेर काढले. इंडोनेशियामध्ये मगरींच्या अनेक प्रजाती आहेत ज्या नियमितपणे माणसांवर हल्ला करतात आणि त्यांना मारतात.