Shocking Video: सोशल मीडियात (Social Media) दररोज कोणते ना कोणते व्हिडिओ (Video) व्हायरल होत असतात, काही व्हिडिओ आपल्याला हसवतात तर काही व्हिडिओ विचार करायला भाग पडतात. काही व्हिडिओ तर असे असतात, जे पाहून आपला आपल्या डोळ्यांवरही विश्वास बसत नाही. सध्या सोशल मीडियावर असाच एक व्हिडिओ वेगाने व्हायरल होत आहे. हा व्हिडिओ पाहून लोकांचं डोकं चक्रावलं आहे. इतकंच नाही तर लोकांना विचार करायलाही भाग पाडलंय. 


COMMERCIAL BREAK
SCROLL TO CONTINUE READING

काय आहे व्हायरल व्हिडिओत
सोशल मीडियावर व्हायरल होणाऱ्या या व्हिडिओत एक व्यक्ती सायकल (Cycle) चालवताना दिसत आहे. या सायकलवर इतकी बच्चेकंपनी बसली आहेत, की पहिल्याच क्षणात मोजणं कठिण आहे. काही मुलं त्या व्यक्तीच्या दोन्ही खांद्यावर बसली आहेत. काही मुलं सायकलच्या मागच्या सीटवर बसली आहेत. काही मुलं सायकलच्या पुढच्या रॉडवर दिसत आहेत. मजेशीर गोष्ट म्हणजे सायकलच्या पुढच्या टायरच्या मडगाडवरही एक सीट बनवण्यात आली असून त्यावरही एक छोटा मुलगा सहज बसलेला दिसतोय. हा व्हिडिओ परदेशातला असून ही सर्व मुलं शाळेत जाण्यासाठी निघाल्याचं दिसतंय. विशेष म्हणजे इतक्या साऱ्या मुलांना घेऊन तो व्यक्ती अगदी सहज सायकल चालवतोय.


व्हिडिओवर अनेक प्रतिक्रिया
हा व्हिडिओ सोशल मीडियावर मोठ्या प्रमाणावर शेअर करण्यात येत आहे. लोकं ऑप्टिकल इल्यूजन (Optical Illusions) प्रमाणे या व्हिडिओतील मुलं मोजतायत. या व्हिडिओवर मजेशीर प्रतिक्रियाही उमटत आहेत. काही लोकांनी त्या व्यक्तीच्या कौशल्याचं कौतुक केलं आहे. तर काही लोकांनी गरीबीचं हे भीषण वास्तव असल्याचं म्हटंल आहे. काही जणांनी ही सायकल आहे की बोलेरो कार, असं म्हटलं आहे. एखाद्या दहा सीटर कारमध्ये बसावीत इतकी लोकं एका सायकलवरुन प्रवास करत असल्याने लोकांनी आश्चर्य व्यक्त केलं आहे. 



सायकलवर किती मुलं?
या सायकलवर एकूण किती जणं बसलीत याचं कोडं उलगडण्यात 99 टक्के लोकं फेल झाले आहेत. आता आम्ही तुम्हाला सांगणार आहोत या सायकलवर एकूण किती जण बसलेत. या सायकलवर एकूण 9 मुलं बसलीत. सायकल चालवणाऱ्या व्यक्तीला धरुन एकूण 10 जण सायकलने प्रवास करतायत. हा व्हिडिओ @JaikyYadav16 नावाच्या ट्विटर अकाऊंटवरुन शेअर करण्यात आला आहे.