பொது நிதி மேலாண்மை அமைப்பு (PFMS)-ன் செயல்பாட்டை மேலும் மென்மையாக்குவதற்கு மிகவும் திறமையான மற்றும் தகவமைப்பு தொழில்நுட்பங்களை கொண்டு வருவதில் கவனம் செலுத்துமாறு நிதியமைச்சர் நிர்மலா சீதாராமன் சிவில் கணக்கு அதிகாரிகளிடம் கேட்டுக் கொண்டார்.


COMMERCIAL BREAK
SCROLL TO CONTINUE READING

44-வது சிவில் கணக்கு தினத்தை குறிக்கும் வகையில் இன்று டெல்லியில் நடைபெற்ற விழாவில் பேசிய அவர், இன்னும் பலவற்றைச் செய்ய வேண்டியிருக்கிறது, மாற்றங்களுக்கு அதிகாரிகள் பதிலளிக்க வேண்டும் எனவும் தெரிவித்துள்ளார். மத்திய அமைச்சர் மேலும் குறிப்பிடுகையில்., அதிகாரிகள் திறமையான கணக்கு நபர்களாக இருத்தல் மட்டுமல்ல, திறமையான தொழில்நுட்ப வல்லுநர்களவும் இருத்தல் வேண்டும் என குறிப்பிட்டார்.


நிகழ்ச்சியில் பேசிய அவர் தெரிவிக்கையில்., "நாம் தொழில்நுட்பத்தைப் பற்றி பேசும்போது கூட, புதிய பதிப்புகள் வருகின்றன, விரைவான மாற்றங்கள் நிகழ்கின்றன, எனவே அதன் மேல் வைத்திருப்பது ஒரு பெரிய பயிற்சியாகும். நீங்கள் தொடர்ந்து மைல்போஸ்டை புதுபித்துக கொண்டே இருக்க வேண்டும், மேலும் மேலும் செயல்திறன் மற்றும் தகவமைப்பு தொழில்நுட்பத்தை கொண்டு வர வேண்டும்,” என தெரிவித்தார்.



தொழில்நுட்பத்தால் இயங்கும் PFMS-யை "புரட்சிகரமாக்கியுள்ளனர்" என்றும், இது பொறுப்புணர்வு, பதிலளிக்கக்கூடிய மற்றும் வெளிப்படையானதாக இருக்க இந்தியாவுக்கு அதிகாரம் அளித்துள்ளது என்றும் அவர் குறிப்பிட்டுள்ளார்.


"இன்று உலகளவில் DBT (நேரடி நன்மை பரிமாற்றம்) மற்றும் GST (சரக்கு மற்றும் சேவை வரி) ஆகியவை ஜனநாயகம் உலகிற்கு காட்டக்கூடிய அமைதியான புரட்சிகளில் ஒன்றாகப் பேசப்படுகின்றன," என்று அமைச்சர் மேலும் கூறினார்.


“இது மிகப்பெரிய புரட்சிகரமான விஷயம். DBT மூலம் நீங்கள் சேமித்த ரூ .1 லட்சம் கோடி, இவை வெறும் குறியீட்டு அல்ல. பொதுமக்களுக்காக சேமிக்கப்பட்ட பணம், இது தொழில்நுட்பத்தை திறம்பட பயன்படுத்தி யாரும் வருத்தப்படாத வகையில் சேமிக்கப்பட்ட பணம்" எனவும் தெரிவித்துள்ளார்.


தொழில்நுட்பத்தை திறம்பட பயன்படுத்துவதன் மூலம், ஊழல் மற்றும் தவறுகளை அமைப்பிலிருந்து அகற்ற முடியும் என்பதை இந்த சேவை நிரூபித்துள்ளது எனவும் அவர் தனது உரையில் குறிப்பிட்டார். மேலும், கொடுப்பனவுகளை செயலாக்குதல், கண்காணித்தல், கணக்கியல் மற்றும் நல்லிணக்கம் ஆகியவற்றிற்கு அரசு நிறுவனங்களுக்கு உதவும் வகையில் PFMS வடிவமைக்கப்பட்டுள்ளது எனவும் அவர் குறிப்பிட்டார்.


இது நிதி வழங்கலைக் கண்காணிக்கிறது மற்றும் தேவைப்படும் போது பணம் அனுப்பப்படுவதை உறுதி செய்வதற்காக மாநில கருவூலங்கள் மையத்துடன் ஒருங்கிணைக்கப்படுவதை உறுதி செய்கிறது.


விழாவில் பேசிய செலவுச் செயலாளர் TV சோமநாதன், PFMS-யை ரயில்வே, பாதுகாப்பு மற்றும் தபால் சேவையுடன் ஒருங்கிணைப்பது முன்னோக்கி எடுத்துச் செல்லப்பட வேண்டியது அவசியம் என்றும், அதிகாரிகள் அதன் முழு திறனை உணரும் வகையில் தொடர்ந்து மேற்கொள்ளும் முயற்சிகளை விரைவாக செயல்படுத்த வேண்டும் என்றும் தெரிவித்தார்.


"PFMS-க்குள் உள்ள பெரிய அளவிலான தரவுகளுக்கு உங்கள் கவனத்தை ஈர்க்க விரும்புகிறேன், இது செலவினங்களின் தரத்தை மேம்படுத்துவதற்கு திறம்பட பயன்படுத்தப்படலாம்," என்றும் அவர் குறிப்பிட்டார். சரியான நேரத்தில் பணம் செலுத்துவதை உறுதிப்படுத்த அதிக கவனம் தேவை என்றும் அவர் கூறினார்.


எந்தவிதமான தேவையற்ற தாமதமும் இல்லாமல் செலவினக் கொடுப்பனவுகள் மற்றும் வரி திருப்பிச் செலுத்துதல், உடனடியாக செலுத்தப்பட வேண்டும், என்று குறிப்பிட்ட அவர்  பணம் செலுத்துவதில் தாமதம் தொடர்பாக பெறப்பட்ட புகார்களுக்கு அதிகாரிகள் உடனடியாக பதிலளிக்க வேண்டும் என்றும் கேட்டுக்கொண்டார்.