வீட்டுக் கடன் வாங்கறீங்களா... ‘இந்த’ கட்டணங்கள் குறித்து எச்சரிக்கையா இருங்க!

சொந்த வீடு என்பது அனைவரின் கனவு. ஒரு வீட்டை வாங்குவது என்பது வாழ்க்கையின் மிகப்பெரிய வாங்குதல்களில் ஒன்றாகும். இந்தியாவில் பெரும்பாலானோர் வீடு வாங்க கடன் வாங்குகிறார்கள். வீட்டுக் கடன் என்பது அதிகத் தொகை மற்றும் நீண்ட காலக் கடனாகும். எனவே, வீட்டுக் கடன் வாங்குவதற்கு முன், வெவ்வேறு வங்கிகள் வழங்கும் கட்டண சலுகைகளை ஒப்பிட்டுப் பாருங்கள். மேலும் ஒவ்வொரு வங்கிகள் வசூலிக்கும் விதவிதமான கட்டணங்களையும் சரிபார்க்கவும். இவை வீட்டுக் கடனுடன் கூடிய கட்டணங்கள். இந்தக் கட்டணங்கள் வங்கிக்கு வங்கி மாறுபடும். இந்தக் கட்டணங்களைப் பற்றி அறிந்து கொள்வது அனைவருக்கும் அவசியம்

வீட்டுக் கடன் விண்ணப்பக் கட்டணம் (Home Loan Application Fee)

நீங்கள் வீட்டுக் கடனுக்கு விண்ணப்பிக்கும்போது, ​​உங்கள் கடன் விண்ணப்பத்தைச் செயல்படுத்த விண்ணப்பக் கட்டணம் வசூலிக்கப்படும். இந்தக் கட்டணம் திரும்ப கிடைக்காது. கடன் கிடைத்தாலும் கிடைக்காவிட்டாலும் இந்தக் கட்டணத்தைச் செலுத்த வேண்டும். எனவே, வீட்டுக் கடனுக்கு விண்ணப்பிக்கும் முன், அதே வங்கியில் கடன் வாங்க விரும்புகிறீர்களா என்பதை உறுதிப்படுத்திக் கொள்ளுங்கள்.

செயலாக்கக் கட்டணம் (Processing fee) 

விண்ணப்பக் கட்டணம் தவிர, செயலாக்கக் கட்டணமும் வசூலிக்கப்படுகிறது. இந்தக் கட்டணம் கடன் விண்ணப்பத்துடன் சேர்த்து எடுக்கப்படுகிறது. இதுவும் திரும்பப்பெற முடியாதது. எனினும் வாடிக்கையாளர்களுக்கு இந்த கட்டணத்தில் தள்ளுபடி கிடைக்கலாம் அல்லது குறைக்கலாம். சில நிறுவனங்கள் இந்த கட்டணத்தில் ஒரு பகுதியை கடன் விண்ணப்பத்துடன் சேர்த்து மற்ற பகுதியை கடனைப் பெறுவதற்கு முன் செலுத்தும் விருப்பத்தை வழங்குகின்றன.

சட்ட கட்டணம் (legal fees)

சொத்துக்களின் சட்டப்பூர்வ நிலையை விசாரிக்க நிதி நிறுவனங்களால் வெளிப்புற வழக்கறிஞர்கள் பணியமர்த்தப்படுகிறார்கள். இதற்காக, வழக்கறிஞர்கள் வசூலிக்கும் கட்டணத்தை, தங்கள் வாடிக்கையாளர்களிடம் இருந்து நிதி நிறுவனங்கள் வசூல் செய்கின்றன. சொத்து ஏற்கனவே நிறுவனத்தால் சட்டப்பூர்வமாக அங்கீகரிக்கப்பட்டிருந்தால், இந்தக் கட்டணம் பொருந்தாது. வாங்கப்படும் சொத்து ஏற்கனவே அங்கீகரிக்கப்பட்டுள்ளதா என்பதை உங்கள் வங்கியில் சரிபார்க்கவும். அப்படியானால், உங்கள் சட்டக் கட்டணம் சேமிக்கப்படும்.

அடமான பத்திர கட்டணம் (mortgage deed fees)

வீட்டுக் கடன் வாங்கும்போது இது ஒரு முக்கிய கட்டணம். இது பொதுவாக வீட்டுக் கடனின் சதவீத அளவில் கணக்கிடப்பட்டு இருக்கும். இருப்பினும், சில நிதி நிறுவனங்கள் வீட்டுக் கடன் தயாரிப்பை மிகவும் கவர்ச்சிகரமானதாக மாற்ற இந்தக் கட்டணத்தைத் தள்ளுபடி செய்கின்றன.

உறுதி கட்டணம் (Commitment fee)

சில வங்கிகள் அல்லது NBFCக்களால் உறுதிக் கட்டணங்களும் வசூலிக்கப்படுகின்றன. செயலாக்கம் மற்றும் ஒப்புதலுக்குப் பிறகு, குறிப்பிட்ட காலத்திற்குள் கடன் கிடைக்காத பட்சத்தில் உறுதிக் கட்டணம் வசூலிக்கப்படும். இது வழங்கப்படாத கடனில் வசூலிக்கப்படும் கட்டணமாகும்.

முன்கூட்டியே கடனை செலுத்தும் அபராதம் (prepayment penalty)

கடன் வாங்கியவர் கடன் காலம் முடிவதற்குள் பணத்தை டெபாசிட் செய்தால், அது முன்கூட்டியே கடனை செலுத்துதல் என்று அழைக்கப்படுகிறது. இதுபோன்ற சந்தர்ப்பங்களில், வங்கிகள் அபராதம் விதிக்கின்றன. இந்த கட்டணம் வெவ்வேறு வங்கிகளில் மாறுபடும். இருப்பினும், ஃப்ளெக்ஸிபிள் வட்டி விகிதத்தில் வாங்கிய வீட்டுக் கடன்களுக்கு முன்கூட்டியே கடனை செலுத்த அபராதம் விதிக்க கூடாது என்று இந்திய ரிசர்வ் வங்கி அனைத்து வங்கிகளுக்கும் உத்தரவிட்டுள்ளது. நிலையான வீத வீட்டுக் கடன்களுக்கு, பிளாட் ரேட் ப்ரீபேமென்ட் அபராதம் விதிக்கப்படுகிறது, இது முன்பணம் செலுத்திய தொகையில் 2% வரை.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!