LIC: பாலிசி முடிந்தும் பல வருஷமாக பணம் வாங்கவில்லையா... எப்படி க்ளைம் செய்யலாம்?

LIC How To Get The Unclaim Amount: இப்போதெல்லாம் மக்கள் ஒரே நேரத்தில் பல திட்டங்களில் முதலீடு செய்கிறார்கள். வங்கிக் கணக்கில் இருந்து பணம் தானாகவே கழிக்கப்பட்டு முதலீடு செய்யப்படுவதால், மக்கள் நிம்மதியடைகின்றனர். பல சமயங்களில் திட்டமே முதிர்ச்சியடைந்தாலும் அவர்களுக்கு அது குறித்த நியாபகம் பலருக்கும் இருப்பதில்லை. முதிர்ச்சியடைந்த பிறகும் நீண்ட காலத்திற்கு பணம் எடுக்கப்படாவிட்டால், அது உரிமை கோரப்படாத தொகை என அழைக்கப்படும். இது தவிர, பாலிசிதாரர் இறந்து, நாமினியால் பணத்தைக் கோர முடியவில்லை என்றால், இந்த சூழ்நிலையில் அந்த பணமும் உரிமை கோரப்படாத தொகை என்று அழைக்கப்படுகிறது.

நாட்டின் மிகப் பெரிய காப்பீட்டு நிறுவனமான லைஃப் இன்சூரன்ஸ் கார்ப்பரேஷன், அதாவது எல்ஐசி நிறுவனமே சில காலத்திற்கு முன்பு, க்ளைம் செய்பவர் இல்லாத கோடிக்கணக்கான ரூபாய் தங்களிடம் இருப்பதாகக் கூறியது. எல்ஐசி தனது IPO-ஐ கொண்டு வந்தபோது, இந்தத் தகவலை தெரிவித்திருந்தது. இருப்பினும், இந்த விஷயத்தில் கவலைப்பட ஒன்றுமில்லை. ஏனெனில் பாலிசிதாரர்கள் மற்றும் அவர்களைச் சார்ந்திருப்பவர்களுக்கு ஆன்லைன் டெத் க்ளெய்ம், மெச்சூரிட்டி க்ளெய்ம், பிரீமியம் ரீஃபண்ட் அல்லது வேறு ஏதேனும் கோரப்படாத தொகையை ஆன்லைனில் எளிதாகச் சரிபார்க்கும் வசதியை வழங்குகிறது. அதன் முறையை இங்கே தெரிந்து கொள்ளுங்கள். 

கோரப்படாத தொகையை எவ்வாறு சரிபார்க்கலாம்?

கோரப்படாத தொகையைச் சரிபார்க்க, நீங்கள் எல்ஐசியின் அதிகாரப்பூர்வ இணையதளத்தைப் பார்க்க வேண்டும். இதற்குப் பிறகு, கீழே வந்து, அங்கு கொடுக்கப்பட்டுள்ள ஆப்ஷன்களில் 'Unclaimed Amounts of Policyholders' என்பதற்குச் சென்று கிளிக் செய்யவும். அதன் பிறகு ஒரு சாளரம் திறக்கும், அதில் பாலிசி எண், பாலிசிதாரரின் பெயர், பிறந்த தேதி மற்றும் பான் கார்டு எண் பற்றிய தகவல்கள் உங்களிடம் கேட்கப்படும். இந்தத் தகவலைக் கொடுத்த பிறகு, நீங்கள் Submit பட்டனை கிளிக் செய்ய வேண்டும். எல்ஐசியில் உங்களிடம் பணம் இருந்தால், Sumbit என்பதைக் கிளிக் செய்தவுடன் அது தெரியும். இதற்குப் பிறகு நீங்கள் பணத்தை கோருவதற்கான செயல்முறையை முடிக்க வேண்டும்.

எப்படி பணத்தை கோருவது?

சரிபார்த்த பிறகு நிலுவைத் தொகையைக் கண்டால், எல்ஐசி அலுவலகத்தைத் தொடர்புகொண்டு அதைப் பெற வேண்டும். இதற்கு நீங்கள் முதலில் விண்ணப்பிக்க வேண்டும், இதனுடன் நீங்கள் KYC கொடுக்க வேண்டும் மற்றும் தேவையான ஆவணங்களையும் சமர்ப்பிக்க வேண்டும். இதைச் சமர்ப்பித்த பிறகு, நிலுவைத் தொகையை செலுத்துவதற்கான செயல்முறை எல்ஐசியில் இருந்து தொடங்கும், மேலும் சில நாட்களில் உங்கள் பணம் பாலிசியுடன் இணைக்கப்பட்ட வங்கிக் கணக்கிற்கு மாற்றப்படும்.

இவை அறிவுறுத்தல்கள்

ஐஆர்டிஏஐ அனைத்து இன்சூரன்ஸ் நிறுவனங்களுக்கும் தங்கள் போர்ட்டலில் க்ளைம் இல்லாமல் கணக்கு மற்றும் பணத்தைப் பற்றிய முழுமையான தகவலை வழங்க வேண்டும் என்று தெளிவான அறிவுறுத்தலைக் கொண்டுள்ளது. 1000 அல்லது அதற்கு மேல் க்ளைம் இருந்தால், அதன் முழு விவரங்களை இணையதளத்தில் கொடுக்க வேண்டும். 10 ஆண்டுகள் பழமையான கோரிக்கையாக இருந்தாலும், அதன் முழு விவரங்களை இணையதளத்தில் கொடுக்க வேண்டும். மூத்த குடிமக்கள் நல நிதிக்கு க்ளெய்ம் பணத்தை மாற்றாமல் 25 ஆண்டுகளுக்கு க்ளைம் செய்யலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ