25+ வயதான பெண்கள் கண்டிப்பாக டயட்டில் சேர்க்க வேண்டிய ‘சில’ உணவுகள்!

Food for Women's Health: 25 வயது என்பது கல்வி, தொழில், திருமணம் போன்றவற்றுக்கான முக்கிய வயதாக இருக்கும். பெண்களின் வாழ்க்கையின் முக்கிய கால நேரமாக இருக்கும் வயது. இந்த வயதில், சில பெண்கள் முதுகலை பட்டப்படிப்பைப் படிக்கிறார்கள், சிலர் வேலை செய்கிறார்கள், சிலர் போட்டித் தேர்வுகளுக்குத் தயாராகிறார்கள். இத்தகைய சூழ்நிலையில், பல பெண்களின் அன்றாட வாழ்க்கை மிகவும் கடினமாக ஓடுவதால் மிகவும் கடினமான வாழ்க்கையை வாழ்கிறார்கள். அவர்கள் தங்கள் ஆரோக்கியத்தின் மீது கவனம் செலுத்துவதில்லை

உண்மையில், இந்த பிஸியான வாழ்க்கையில் உங்கள் ஆரோக்கியத்தை கவனித்துக்கொள்வது மிகவும் முக்கியம். அப்போது தான் வாழ்க்கையில் உள்ள சவால்களை வெல்ல முடியும். எனவே பெண்கள் தங்கள் ஆரோக்கியத்தை நல்ல நிலையில் வைத்திருக்கவும், ஹார்மோன் சமநிலையை பராமரிக்கவும், சுறுசுறுப்பாக இருக்கவும், பெண்கள் ஆரோக்கியத்திற்கு இன்றியமையாக சிலவற்றை உணவில் சேர்க்க வேண்டும். மேலும் மனநிலை மாற்றங்களிலிருந்து பாதுகாக்கவும் இந்த உணவுகள் உதவும். பெண்கள் 25 வயதிற்குள் ஆரோக்கியமாக இருக்க என்னென்ன உணவுகளை சாப்பிட வேண்டும் என்பதையும் தெரிந்து கொள்ளலாம்.

ஆரோக்கியமான கார்போஹைட்ரேட்டுகள் (Healthy Carbohydrates)

கார்போஹைட்ரேட்டுகள் ஆற்றலின் முதன்மை ஆதாரம். பெண்களுக்கு தசைகளை விட அதிக கொழுப்பு செல்கள் உள்ளன, இதன் காரணமாக அவர்களின் எடை விரைவாக அதிகரிக்கிறது. பெண்கள் ஆரம்பத்திலிருந்தே உடல் உழைப்பை தொடர்ந்து செய்து வந்தால், அவர்களின் உடலில் கொழுப்பு வேகமாக அதிகரிக்காது. எனவே, உடலை சுறுசுறுப்பாக வைத்திருக்கவும், உடற்பயிற்சிக்கான வலிமையைக் கொடுக்கவும், சிக்கலான கார்போஹைட்ரேட்டுகளை உட்கொள்ள வேண்டும். சிக்கலான கார்ப்ஸ் வகை உணவுகளில், முழு தானியங்கள், ஓட்ஸ், முழு கோதுமை ஆகியவை அடங்கும்.

ஆரோக்கியமான கொழுப்புகள் (Healthy Fats)

உடலுக்கு ஆரோக்கியமான கொழுப்பும் தேவை. அன்சாச்சுரேட்டட் கொழுப்பு ஆரோக்கியமானதாக கருதப்படுகிறது. சால்மன் மீன், பாதாம், அக்ரூட் பருப்புகள், பிற கொட்டைகள், ஆலிவ் எண்ணெய் மற்றும் மீன் எண்ணெய் ஆகியவை நிறைவுறாத கொழுப்பைக் கொண்டவை. ஆரோக்கியமான கொழுப்புகளை உட்கொள்வதால், உடலில் செரோடோனின் என்ற மகிழ்ச்சியான ஹார்மோனின் அளவு அதிகரிக்கிறது, இது நம்மை மகிழ்ச்சியாக உணர வைக்கிறது. இதனுடன், ஆரோக்கியமான கொழுப்பு இரத்த ஓட்டத்தை மேம்படுத்துகிறது, இதய ஆரோக்கியத்தை பராமரிக்கிறது, கெட்ட கொழுப்பைக் குறைக்கிறது, எலும்பு வலியைக் குறைக்கிறது.

புரதம் நிறைந்த உணவுகள்  (Foods Rich in Protein)

உடலில் உள்ள தசைகளை அதிகரிக்க புரதம் மிகவும் நன்மை பயக்கும். கூடுதலாக, புரதம் முடி மற்றும் நகங்களின் வளர்ச்சியில் முக்கிய பங்கு வகிக்கிறது. எனவே, பெண்களும் புரத உணவுகளை உட்கொள்ள வேண்டும். புரோட்டீன் சாப்பிடுவது எலும்புகளின் வலிமையை அதிகரிப்பதோடு, உடலுக்கும் வலு சேர்க்கும். புரதத்தின் அளவைப் பெற, நீங்கள் முட்டை, சீஸ், சிக்கன், பருப்பு, சோயா துண்டுகள் போன்றவற்றை உட்கொள்ளலாம்.

இரும்பு சத்து நிறைந்த உணவுகள் (Foods Rich in Iron)

மாதவிடாய் காரணமாக பெண்களுக்கு இரும்புச்சத்து குறைபாடு பொதுவாக அதிகமாகக் காணப்படுகிறது, எனவே அவர்கள் இரும்புச்சத்து நிறைந்த உணவுகளை உட்கொள்ள வேண்டும். பீட்ரூட், நெல்லிக்காய், கீரை, மாதுளை போன்றவற்றை உட்கொள்ள வேண்டும்.

நார்ச்சத்து நிறைந்த உணவுகள் ​( Foods Rich in Fibre)

நார்ச்சத்து செரிமானத்தை மேம்படுத்துகிறது. அதிலும், பாதிக்கும் மேற்பட்ட நோய்கள் மோசமான செரிமானத்தால் ஏற்படுவதாக கூறப்படுகிறது. பலர் பச்சை காய்கறிகள் அல்லது சாலட் சாப்பிடுவதைத் தவிர்க்கிறார்கள். ஆனால் உங்கள் ஆரோக்கியம் நன்றாக இருக்க வேண்டும் என்றால் கண்டிப்பாக பச்சை காய்கறிகளை சாப்பிடுங்கள். பெண்களின் ஆரோக்கியத்திற்கு மிகவும் அவசியமான நார்ச்சத்து அதிகம் உள்ளது.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ