நான்-ஸ்டிக் பாத்திரங்களை யூஸ் பண்ணாதீங்க... எச்சரிக்கும் ICMR..!!

Side Effects of Using Non Stick Cookware: மனிதர்கள் பல விஷயங்களில் பரிமாற்றம் அடைந்ததைப் போலவே, சமையல் பாத்திரங்களிலும் பல வகைகளில் முன்னேறி வருகின்றனர். மண்பாண்டத்தில் சமைக்க ஆரம்பித்த மனிதர்கள் தற்போது செம்பு பித்தளை, இரும்பு, எவர்சில்வர், நான்-ஸ்டிக், செராமிக் பாத்திரங்கள் வரை பல வகைகளை பயன்படுத்தி வருகின்றனர். இதில், நான்-ஸ்டிக் குக்வேர், சமைக்கவும் பயன்படுத்தவும்,  சுத்தம் செய்வதும் எளிதாக இருப்பதால், நீண்ட காலமாக சமையலறையில் பிரதானமாக பயன்படுத்தப்பட்டு வருகிறது. இருப்பினும், அதை பயன்படுத்துவதால் ஏற்படும் தீமைகள் குறித்து, இந்திய மருத்துவ ஆராய்ச்சி கவுன்சில் எச்சரிக்கை விடுத்துள்ளது. 

நான்-ஸ்டிக் பாத்திரங்கள் பயன்படுத்துதால் ஏற்படும் ஆரோக்கிய பாதிப்புகள்: 

இந்திய மருத்துவ ஆராய்ச்சி கவுன்சில் (ICMR) மற்றும் தேசிய ஊட்டச்சத்து நிறுவனம் (NIN) ஒரு விரிவான வழிகாட்டுதலை பகிர்ந்து கொண்டுள்ளது. அதில் இந்தியர்கள் நான்-ஸ்டிக் பாத்திரங்களைத் தவிர்க்குமாறு அறிவுறுத்தபட்டுள்ளது. நான்-ஸ்டிக் குக்வேர் பாத்திரங்களை பயன்படுத்துவதற்கு எதிராக அறிவுறுத்தியிருக்கும் அதே சமயத்தில், சுற்றுச்சூழலுக்கு உகந்த சமையல் பாத்திரங்களைப் பயன்படுத்தவும் அறிவுறுத்தப்பட்டுள்ளது. ஏனெனில் நான்-ஸ்டிக் குக்வேர் பாத்திரங்களை பயன்படுத்துவதால் ஏற்படும் பக்க விளைவுகள் (Health Alert) பற்றிய ஆராய்ச்சி தீவிர கவலைகளை எழுப்பியுள்ளது.

நான்-ஸ்டிக் சமையல் பாத்திரங்களை ஒருவர் ஏன் தவிர்க்க வேண்டும்?

நான்-ஸ்டிக் குக்வேர் நீண்ட காலமாக அதன் ஒட்டாத மேற்பரப்பு காரணமாக சமையலுக்கு வசதியான பாத்திரமாக கருதப்படுகிறது. அதனை சுத்தம் செய்வதும் எளிது. சமையலுக்கு குறைந்த எண்ணெய் தேவைப்படுகிறது. இருப்பினும், நான்-ஸ்டிக் சமையல் பாத்திரங்களை பயன்படுத்துவதால் ஏற்படும் ஆபத்துகள் குறித்து சுகாதார நிபுணர்களால் நடத்தப்பட்ட சமீபத்திய ஆராய்ச்சி மற்றும் அதன் முடிவுகள் ஆரோக்கிய பாதிப்பை எடுத்துரைக்கின்றன. இதனி அடுத்து  நுகர்வோர் தினசரி சமையலில் அவற்றைப் பயன்படுத்துவதை தவிர்க்க வேண்டும் என வலியுறுத்தியுள்ளன.

நான்-ஸ்டிக் குக்வேர்களில் சமைப்பதால் ஏற்படும் பாதிப்புகள்

நான்-ஸ்டிக் குக்வேர்களில் சமைப்பதால் ஏற்படும் பாதிப்புக்கான காரணம், ஒன்று பெர்ஃப்ளூரோக்டானோயிக் அமிலம் (PFOA) மற்றும் பெர்ஃப்ளூரோக்டேன்சல்போனிக் அமிலம் (PFOS). இவை டெஃப்ளான் போன்ற நான் - ஸ்டிக் பூச்சுகளின் உற்பத்தியில் பயன்படுத்தப்படும் இரசாயனங்கள் ஆகும். நான் - ஸ்டிக் சமையல் பாத்திரங்கள் அதிக வெப்பநிலைக்கு சூடாக்கப்படும் போது, ​​இந்த இரசாயனங்கள் நச்சுப் புகைகளை காற்றில் வெளியிடலாம். இதனால் அவற்றுடன் தொடர்பு கொள்ளும் நபர்களுக்கு உடல்நலம் பாதிக்கப்படும். இந்த புகைகளை உள்ளிழுப்பது சுவாச பிரச்சனைகள், தைராய்டு கோளாறுகள் மற்றும் சில வகையான புற்றுநோய்கள் உட்பட பல உடல்நல பிரச்சனைகள் ஏற்படலாம்.

நான்-ஸ்டிக் பூச்சில் ஏற்படும் விரிசல்களால் உணவில் கலக்கும் ரசாயனம்

கூடுதலாக, நான்-ஸ்டிக் சமையல் பாத்திரங்களில் உள்ள நான்-ஸ்டிக் பூச்சுகள் காலப்போக்கில் மோசமடையலாம், குறிப்பாக அதிக வெப்பநிலையில் நான்-ஸ்டிக் பூச்சு சிதைவதால், சமைக்கும் போது உணவில் கசிந்து, தீங்கு விளைவிக்கும் இரசாயனங்கள் நுகர்வோர் உடலில் செல்லும் அபாயம் உள்ளது. இது குறிப்பாக அமில உணவுகளை சமைக்கும் போது அல்லது உலோகப் பாத்திரங்களைப் பயன்படுத்தும் போது நான் -  ஸ்டிக் பூச்சுகளில் விரிசல் ஏற்படும் அபாயம் அதிகரிக்கும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!