Liver Health: கல்லீரலில் உள்ள நச்சுகளை வெளியேற்றும் ‘சூப்பர்’ பழங்கள்!

நம் உடலில், புரதங்கள், கொலஸ்ட்ரால் மற்றும் பித்த உற்பத்தி முதல் வைட்டமின்கள், தாதுக்கள் மற்றும் கார்போஹைட்ரேட்டுகளை சேமித்து வைப்பது வரை பல முக்கிய செயல்பாடுகளைச் செய்யும் ஆற்றல்மிக்க உறுப்பு கல்லீரல் ஆகும். ஆரோக்கியமான கல்லீரல் சிறந்த ஆரோக்கியத்திற்கு மிகவும் முக்கியமானது. எனவே, ஆரோக்கியமான கல்லீரலுக்கு உகந்த, கல்லீரலின் நச்சுக்களை வெளிஏற்றி சுத்திகரிக்கும் பழங்கள் எவை என்பதை அறிந்து கொள்வது மிகவும் அவசியம். கல்லீரலை ஆரோக்கியமாக வைத்திருக்க, தினமும்  சில குறிப்பிட்ட பழங்களை உணவில் சேர்ப்பது பெரிதும் நலன் தரும். ஏனெனில் கல்லீரலில் உள்ள நச்சுத் தன்மையை நீக்கி சுத்திகரிக்கும் ஆற்றல் இந்த பழங்களில் உள்ளது. 

திராட்சை

திராட்சையில் பல பயனுள்ள தாவர கலவைகள் உள்ளன. இவற்றில் மிகவும் பிரபலமானது ரெஸ்வெராட்ரோல். இது பல ஆரோக்கிய நன்மைகளைக் கொண்டுள்ளது. பல ஆய்வுகள், திராட்சைப்பழம் மற்றும் திராட்சை சாறு கல்லீரலுக்கு சிறந்தது என்பதை உறுதி படுத்தியுள்ளன. இதில் வீக்கத்தைக் குறைத்தல், கல்லீரல் சேதத்தைத் தடுப்பது மற்றும் ஆக்ஸிஜனேற்ற அளவை அதிகரிப்பது உட்பட பல பண்புகள் நிறைந்துள்ளன.   இது கல்லீரலை நோய்த்தொற்றில் இருந்தும் காக்கிறது. திராட்சையில் உள்ள ஆன்டிஆக்ஸிடன்ட்கள் கல்லீரலை ஆரோக்கியமாக வைத்திருக்கின்றன.

பெர்ரி

பெர்ரிகளில் ஆன்டிஆக்ஸிடன்ட் பாலிபினால்கள் நிறைந்துள்ளன. பாலிபினால்கள் அடங்கிய பொருட்களை சாப்பிடுவது கல்லீரலை ஆரோக்கியமாக வைத்திருக்கும். மேலும் பெர்ரி சாப்பிடுவது நோய் எதிர்ப்பு சக்திக்கும் நல்லது.

ஆப்பிள்

ஆப்பிள்களில் இரும்புச் சத்து உள்ளது. மேலும், இதில் பெக்டின் உள்ளது, இது செரிமான அமைப்பில் இருக்கும் நச்சுக்களை வெளியேற்றி கல்லீரலை ஆரோக்கியமாக வைக்கிறது.

எலுமிச்சை

எலுமிச்சையில் வைட்டமின் சி நிறைந்துள்ளது. இது கல்லீரலுக்கு நோய் எதிர்ப்பு சக்தியை அதிகரிக்கிறது. இது கல்லீரலில் இருந்து நச்சுத்தன்மையை அகற்றவும்  உதவுகிறது.

வாழைப்பழம்

வாழைப்பழத்தில் உள்ள சத்துக்கள் கல்லீரலை ஆரோக்கியமாக வைத்திருக்கும். வாழைப்பழம் செரிமானத்திற்கும் உதவுகிறது.