உலக அழகன் பட்டம் வென்ற முதல் இந்தியர் ரோஹித் கன்டெல்வால்

இங்கிலாந்தின் சவுத்போர்ட் பகுதியில் நேற்று உலக அழகன் போட்டி நடந்தது. இதில் இந்தியாவின் சார்பாக ரோஹித் கன்டெல்வால் கலந்துக்கொண்டார். இந்த போட்டியில் அவர் உலக அழகன் பட்டம் வென்றார். உலக அழகன் பட்டம் வெல்லும் முதல் இந்தியர் என்ற பெருமையை பெற்றார் இவர்.

உலகின் பல்வேறு நாடுகளைச் சேர்ந்த 47 பேர் இந்த உலக அழகன் போட்டியில் பங்கேற்றனர். இவர்களில் உலக அழகனாக தேர்வு செய்யப்பட்ட ரோஹித் கன்டெல்வாலுக்கு 50,000 அமெரிக்க டாலர்கள் பரிசாக வழங்கப்பட்டது. 

இப்போட்டியில் 2-வது இடத்தை அமெரிக்காவை சேர்ந்தவரும், 3-வது இடத்தை மெக்சிகோவை சேர்ந்தவரும் பிடித்துள்ளனர்.