IAF தலைமை மார்ஷல் BS தனோவாவுடன் MiG-21 விமானத்தில் பறந்த அபிநந்தன்..

இந்திய விமானப் படையின் விங் கமாண்டரான அபிநந்தன், 6 மாதங்களுக்குப் பின் மீண்டும் போர் விமானத்தில் பறக்கத் தொடங்கினார்!!

இந்திய விமானப்படை (IAF) விமானத் தலைவர் மார்ஷல் BS.தனோவா மற்றும் விங் கமாண்டர் அபிநந்தன் வர்தமன் ஆகியோர் திங்கள்கிழமை பஞ்சாபின் பதான்கோட்டில் MiG-21 போர் விமானத்தில் சோர்டி பறக்கவிட்டனர். பதான்கோட் விமானத் தளத்தில் போயிங் AH-64E அப்பாச்சி கார்டியன் அட்டாக் ஹெலிகாப்டர்களின் தூண்டல் விழாவின் போது அவர்கள் MiG ஜெட் விமானத்தை பறக்கவிட்டனர். அபிநந்தன் அரை மணி நேரம் சோர்டி பறந்தார்.

புல்வாமா தீவிரவாத தாக்குதலுக்குப் பதிலடியாக, பாகிஸ்தான் ஆக்கிரமிப்பு காஷ்மீரில் உள்ள பாலகோட்டில் இந்திய ராணுவம் சர்ஜிகல் தாக்குதல் நடத்தியது. இதை அடுத்து எல்லையில் பாகிஸ்தான் விமானப் படை அத்துமீற முயன்றது. அப்போது வானில் நடைபெற்ற சண்டையில் பாகிஸ்தானின் எப்16 போர் விமானத்தை MiG-21 மூலம் விங் கமாண்டர் அபிநந்தன் சுட்டு வீழ்த்தினார். இந்தச் சண்டையில் MiG-21 போர் விமானமும் வீழ்த்தப்பட்டது. பாகிஸ்தான் எல்லையில் பாதுகாப்பாக குதித்த அபிநந்தன், இந்தியாவின் முயற்சியால் நாடு திரும்பினார்.

ஆனால், உரிய பரிசோதனைகளுக்குப் பிறகே அவர் மீண்டும் போர் விமானத்தில் பறக்க முடியும் என்ற நிலை ஏற்பட்டது. இதற்கிடையே பாகிஸ்தான் உடனான சண்டையில் வீர தீர செயல் புரிந்ததற்காக அபிநந்தனுக்கு அண்மையில் வீர் சக்ரா விருது வழங்கப்பட்டது. இந்நிலையில், அவர் மீண்டும் போர் விமானத்தில் பறப்பதற்கான அனுமதி வழங்கப்பட்டுள்ளது. இதை அடுத்து பஞ்சாப் மாநிலம் பதான்கோட்டில் உள்ள விமானப் படைத் தளத்தில் இருந்து MiG-21 போர் விமானத்தில் அபிநந்தன் பறந்தார்.

அவருடன் விமானப் படை தலைமைத் தளபதி பி.எஸ்.தானோவாவும் விமானியாகச் சென்றார். கடந்த 1999 ஆம் ஆண்டில் நடந்த கார்கில் போரில் எல்லையில் இருந்த பாகிஸ்தானின் ஆயுதக் கிடங்குகளை MiG-21 போர் விமானம் மூலம் அழிக்கும் பணியைச் செய்தவர் தனோவா என்பது குறிப்பிடத்தக்கது.