பாகிஸ்தான் நாட்டில் உள்ள கைபர் பக்துன்க்வா மாகாணத்திற்குச் சென்ற இந்திய பெண் அஞ்சு என்பவர் நேற்று தனது பேஸ்புக் நண்பரை திருமணம் செய்துகொண்டார். அந்த பெண்ணுக்கு இந்தியாவில் ஏற்கெனவே வேறொருவருடன் திருமணமாகிவிட்டது. இந்நிலையில், அஞ்சுவின் தந்தை, 'அவள் இறந்துவிட்டாள் என்று நினைப்பது தான் எங்கள் குடும்பத்திற்கு நல்லது' என்று கூறினார். 


COMMERCIAL BREAK
SCROLL TO CONTINUE READING

மத்திய பிரதேச மாநிலம் குவாலியர் மாவட்டத்தில் உள்ள பௌனா கிராமத்தில் செய்தியாளர்களிடம் பேசிய அஞ்சுவின் தந்தை கயா பிரசாத் தாமஸ், 'அவளது இரண்டு குழந்தைகளின் எதிர்காலத்தையும் அவள் அழித்துவிட்டாள்' என்றார். 


"இரண்டு குழந்தைகளையும், கணவனையும் விட்டுவிட்டு சென்றுவிட்டாள்... தன் குழந்தைகளை நினைத்துக்கூட பார்க்கவில்லை. இதை செய்ய வேண்டுமென்றால் முதலில் அவள் கணவனை விவாகரத்து செய்திருக்க வேண்டும். அவள் எங்களுக்கு (உயிருடன்) இல்லை.


மேலும் படிக்க | பெண்ணிடம் அத்துமீறிய ராணுவ வீரர்... அதுவும் துப்பாக்கியுடன் - மணிப்பூரில் உச்சந்தொடும் கொடூரம்!


"அவளுடைய பிள்ளைகள், கணவனுக்கு என்ன ஆகும்? அவள் குழந்தைகளை யார் கவனிப்பார்கள், 13 வயது சிறுமி மற்றும் ஐந்து வயது பையன். அவள் குழந்தைகளின் எதிர்காலத்தையும் அவள் கணவனின் வாழ்க்கையையும் அவள் அழித்துவிட்டாள். அவள் குழந்தைகளை யார் கவனிப்பார்கள், நாங்கள் தான் அதைச் செய்ய வேண்டும்," என்று கூறினார்.


அவரைத் திரும்ப அழைத்து வர இந்திய அரசிடம் முறையிடுவீர்களா என்ற கேள்விக்கு, தாமஸ் அப்படி எதுவும் செய்ய மாட்டேன் என்றார். "நான் பிரார்த்திக்கிறேன்...அவள் அங்கேயே இறந்துவிட வேண்டும்," என்று அவர் மேலும் கூறினார். அஞ்சு தன்னுடன் பேசவில்லை என்றும், அவளது தாயிடம் மட்டுமே பேசுவதாகவும் தாமஸ் கூறினார்.


"அவளுக்கு எப்படி பாஸ்போர்ட் கிடைத்தது, எப்போது விசா கிடைத்தது என்று எனக்குத் தெரியவில்லை," என்றும் அவர் கூறினார். எல்லைப் பாதுகாப்புப் படையின் (BSF) முக்கியப் பிரிவான தேக்கன்பூர் நகருக்கு அருகில் அவரது கிராமம் இருப்பதால், இந்தச் சம்பவத்தில் மேலும் ஏதாவது இருக்கலாம் என்று சில வட்டாரங்களில் ஊகங்கள் கேட்கப்பட்டபோது, தாமஸ் அந்த ஆலோசனையை கடுமையாக நிராகரித்தார்.


"எங்களிடம் யாரும் இதுபோன்ற பிரச்சினையை எழுப்பவில்லை. நீங்கள் (ஊடகங்கள்) மட்டுமே இந்த கேள்வியை எழுப்புகிறீர்கள். என் குழந்தைகளுக்கு எந்த குற்றப் போக்குகளும் இல்லை. இந்த விஷயத்தில் எந்த விசாரணைக்கும் நான் தயாராக இருக்கிறேன்," என்று அவர் கூறினார். முன்னதாக, தாமஸ் தனது மகளை 'மனநலம் பாதிக்கப்பட்டவர் மற்றும் விசித்திரமானவர்' என்று விவரித்தார்.


அஞ்சு இஸ்லாம் மதத்துக்கு மாறிய பிறகு பாகிஸ்தானில் உள்ள தனது ஃபேஸ்புக் நண்பரை திருமணம் செய்து கொண்டதாகவும், தற்போது பாத்திமா என்ற புதிய பெயரை வைத்துள்ளதாகவும் ஒரு தகவல் வெளியானது. 34 வயதான இந்தியப் பெண், கைபர் பக்துன்க்வாவின் அப்பர் டிர் மாவட்டத்தில் உள்ள தனது 29 வயது பாகிஸ்தான் நண்பரான நஸ்ருல்லாவின் வீட்டில் தங்கியிருக்கிறார் என கூறப்படுகிறது.


மேலும் படிக்க | மத்திய அரசுக்கு எதிராக நம்பிக்கையில்லா தீர்மானம்! எதிர்க்கட்சிகள் முடிவு


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ