நண்பரின் அரசியல் பயணத்திற்கு வாழ்த்து தெரிவித்த கமல்ஹாசன்!

வரும் பாராளுமன்ற தேர்தலில் சுயேட்சையாக போட்டியிட முடிவுசெய்துள்ள நடிகர் பிரகாஷ்ராஜ் அவர்களுக்கு மக்கள் நீதி மய்யம் கட்சி தலைவர் கமல்ஹாசன் வாழ்த்து தெரிவித்துள்ளார்!

கடந்த ஆண்டில் பிரதமர் மோடிக்கு எதிராக, பகிரங்கமாக எழுப்பப்பட்ட குரல்களில் ஒன்று நடிகர் பிரகாஷ் ராஜ்-ன் குரல், மத்தியில் ஆளும் பாரதீய ஜனதாவை எதிர்த்து அடிக்கடி அவர் கருத்து வெளியிட்டு வந்த அவர், தனது நெருங்கிய தோழியான கவுரி லங்கேஷ் சுட்டுக் கொல்லப்பட்ட விவகாரத்தில் பாஜக அரசை மிக கடுமையாக விமர்சித்தார்.

இதைத்தொடர்ந்து பிரகாஷ்ராஜை தங்களது கட்சியில் சேர்த்துக்கொள்ள காங்கிரஸ் உள்பட பல்வேறு கட்சிகளும் முயற்சிகள் செய்தன. எனினும் எந்த கட்சியாலும் பிரகாஷ்ராஜை தங்கள் பக்கம் ஈர்க்க முடியவில்லை. இந்நிலையில் நடிகர் நடிகர் பிரகாஷ்ராஜ் திடீரென வரும் பாராளுமன்ற தேர்தலில் சுயேட்சையாக போட்டியிடப்போவதாக அறிவித்துள்ளார்.

கர்நாடக மாநிலத்தை சேர்ந்தவரன பிரகாஷ் ராஜ், கர்நாடகாவில் உள்ள முக்கிய தொகுதி ஒன்றில் இருந்து போட்டியிடலாம் என எதிர்பார்க்கப்பட்ட நிலையில் அவர் பெங்களூரு சென்ட்ரல் பகுதியில் இருந்து போட்டியிடவுள்ளதாக நேற்று அறிவித்தார்.

பிரகாஷ் ராஜ் அவர்களின் அறிவிப்பிற்கு வாழ்த்து தெரிவித்து நடிகரும், மக்கள் நீதி மய்யம் கட்சி தலைவருமான கமல்ஹாசன் அவர்கள் வாழ்த்து தெரிவித்துள்ளார். இதுகுறித்து அவர் தனது ட்விட்டர் பக்கத்தில் பதிவிட்டுள்ளதாவது...

பெங்களூரு சென்ட்ரலை பொறுத்தவரையில்., காந்தி நகர், சார்ஜபெட், சர்வங்கநகரா, சாந்தி நகர், ராஜாஜி நகர், CV ராமன் நகர், சிவாஜி நகர் மற்றும் மஹாதேவ்புரா ஆகிய 8 தொகுதிகள் உள்ளன. இதில் எந்த தொகியில் இருந்து ராஜ் போட்டியிடுவார் என்பது விரைவில் தெரிவிக்கப்படும் என எதிர்பார்க்கப்படுகிறது.