பாலியல் குற்றம் சாட்டப்பட்டவர்களுக்கு அரசு வேலை இல்லை... அரசின் அதிரடி நவடிக்கை!

ஜெய்ப்பூர்: நாட்டில் பெண்களுக்கு எதிரான குற்றம் அதிக அளவில் நடக்கும் மாநிலங்களில் ஒன்றாக ராஜஸ்தான் உள்ளது. சில நாட்களுக்கு முன், பில்வாராவில் 14 வயது சிறுமி பலாத்காரம் செய்யப்பட்டு கொலை செய்யப்பட்ட சம்பவம் தொடர்பாக ராஜஸ்தான் மாநிலத்தில் மிகவும் பரபரப்பு எழுந்துள்ள நிலையில், மாநிலத்தில் பாலியல் பலாத்காரம் மற்றும் இதர பாலியல் குற்றங்களில் ஈடுபட்டவர்களை அரசு வேலைகளில் இருந்து "தடை" செய்ய அரசு முடிவு செய்துள்ளது என்று முதல்வர் அசோக் கெலாட் தெரிவித்தார். முதல்வர் பதிவிட்ட  ஒரு ட்வீட்டில்,  பாலியல் பலாத்காரம், பாலியல் தொடர்பான குற்றவாளிகள்,  சிறுமிகள் மற்றும் பெண்களைத் துன்புறுத்துபவர்கள் போன்ற நபர்களின் பதிவு காவல் நிலையங்களில் பராமரிக்கப்படும் என்றும், அது அரசாங்க வேலைகளுக்குத் தேவையான நடத்தை சான்றிதழிலும் குறிப்பிடப்படும் என்றும் இது போன்றவர்கள் அரசு வேலைகளில் சேர முடியாது என்றும் மாநில அரசு முடிவு செய்துள்ளது, கெஹ்லாட் கூறினார்.

குற்றம் சாட்டப்பட்டவர்களின் பதிவு

வரலாற்று தாள்களைப் போலவே, பாலியல் குற்றங்களில் குற்றம் சாட்டப்பட்டவர்களின் பதிவும் காவல் நிலையங்களில் பராமரிக்கப்படும் என்றும், இது மாநில அரசு அல்லது காவல் துறையால் வழங்கப்படும் அவர்களின் நடத்தை  சான்றிதழில் குறிப்பிடப்படும் என்றும் முதல்வர் கூறினார். "இதுபோன்ற சமூக விரோத சக்திகளை சமூக புறக்கணிப்பது அவசியம்" என்று கெலாட் ட்வீட் செய்துள்ளார். முன்னதாக வெளியிடப்பட்ட அறிக்கையில், பெண்கள் மற்றும் சமூகத்தின் நலிந்த பிரிவினருக்கு எதிரான குற்றங்களைத் தடுப்பது தனது அரசாங்கத்தின் முதன்மையான முன்னுரிமை என்று வலியுறுத்தி, "குற்ற எண்ணம் கொண்டவர்கள்" மீது கடுமையான நடவடிக்கை எடுக்குமாறு காவல் துறைக்கு உத்தரவிட்டார்.

பில்வாராவில் சிறுமி பாலியல் பலாத்காரம்

பில்வாராவில் சிறுமி பாலியல் பலாத்காரம் செய்யப்பட்டு கொலை செய்யப்பட்ட சம்பவம் "துரதிர்ஷ்டவசமானது" என்று கூறிய அவர், இந்த விஷயத்தில் காவல்துறை விரைவான நடவடிக்கை எடுத்ததாகவும், குற்றவாளிகளுக்கு விரைவில் கடுமையான தண்டனை வழங்க முயற்சிகள் மேற்கொள்ளப்பட்டு வருவதாகவும் கூறினார். சிலர் இந்த சம்பவத்திற்கு "அரசியல் சாயம்" பூசுவதாகவும், இது பொருத்தமற்றது என்றும் கெலாட் குற்றம் சாட்டினார்.

சிறுமி கூட்டுப் பலாத்கார வழக்கு

பில்வாரா மாவட்டத்தில் ஆகஸ்ட் 2ம் தேதி கால்நடைகளை மேய்ச்சலுக்கு அழைத்துச் சென்ற போது, 14 வயது சிறுமி கூட்டுப் பலாத்காரம் செய்யப்பட்டு, கொல்லப்பட்டு, பின்னர் நிலக்கரி உலையில் எரிக்கப்பட்டதாகக் கூறப்படுகிறது. இந்த வழக்கில் இதுவரை ஒரு பெண் உட்பட 7 பேர் கைது செய்யப்பட்டுள்ளனர். திருமணமான மைனர் ஒருவரும், ஒரு வாலிபரும் கைது செய்யப்பட்டுள்ளதாக காவல்துறை தெரிவித்துள்ளது. கெஹ்லாட், அடிக்கடி சட்டத்தை மீறுபவர்களின் பதிவை பராமரிக்குமாறு காவல் துறையிடம் கேட்டுக் கொண்டார், இதனால் அவர்களுக்கு அரசாங்க வேலைகளை (Government Jobs) பறிப்பது உட்பட நடவடிக்கை எடுக்க முடியும் என கூறப்படுகிறது.

சட்டம் ஒழுங்கு தொடர்பான மறு ஆய்வுக் கூட்டம்

திங்கட்கிழமை இரவு தனது உத்தியோகபூர்வ இல்லத்தில் இடம் பெற்ற சட்டம் ஒழுங்கு தொடர்பான மறு ஆய்வுக் கூட்டத்தின் போது அவர் இவ்வாறு தெரிவித்தார். இது தொடர்பான சிறப்பு பிரச்சாரத்தைத் தொடங்குவதன் மூலம் குற்ற எண்ணம் கொண்டவர்கள் மீது கடுமையான நடவடிக்கை எடுக்க காவல் துறை அதிகாரிகளுக்கு முதல்வர் அறிவுறுத்தினார் என்றும்,  திட்டமிடப்பட்ட நேரத்திற்கு மேல் திறந்திருக்கும் பார்கள் மற்றும் இரவு விடுதிகள் மீது கடுமையான நடவடிக்கை எடுக்கவும் அவர் உத்தரவிட்டார். கடை மேலாளர்கள் மற்றும் உரிமையாளர்கள் மீது நடவடிக்கை எடுப்பதோடு, விதிகளை மீறும் கடைகளின் உரிமம் ரத்து செய்யப்படும் என்றார். அந்த அறிக்கையில், உள்துறை இணை அமைச்சர் ராஜேந்திர யாதவ், தலைமைச் செயலாளர் உஷா சர்மா, அரசு முதன்மைச் செயலாளர் (உள்துறை) ஆனந்த் குமார், காவல்துறை இயக்குநர் ஜெனரல் உமேஷ் மிஸ்ரா மற்றும் மூத்த அதிகாரிகள் கூட்டத்தில் கலந்து கொண்டனர்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ