மக்களவையில் 454-2 பெரும்பான்மையுடன் மகளிர் இடஒதுக்கீடு மசோதா நிறைவேற்றப்பட்டது!

Women's Reservation Bill: பெண்களுக்கான இடஒதுக்கீடு மசோதாவான ‘நாரி சக்தி வந்தான் ஆதினியம்’ மக்களவையில் பெரும்பான்மை வாக்குகளுடன் நிறைவேற்றப்பட்டுள்ளது.  மசோதாவுக்கு ஆதரவாக 454 வாக்குகளும் எதிராக 2 வாக்குகளும் கிடைத்தன. இந்த மசோதா லோக்சபாவில் நிறைவேற மூன்றில் இரண்டு எண்ணிக்கை தேவை. முன்னதாக, இந்த மசோதா குறித்து பேசிய மத்திய உள்துறை அமைச்சர் அமித் ஷா,  தற்போது எம்.பி.க்கள் தேர்ந்தெடுக்கப்பட்டுள்ள பொது, எஸ்சி, எஸ்டி ஆகிய மூன்று பிரிவுகளிலும் பெண்களுக்கு இடஒதுக்கீடு வழங்கும் மசோதாவாக இருக்கும் என்று கூறினார். மசோதா நிறைவேற்றப்பட்ட பிறகு, பல்வேறு எம்.பி.க்கள் முன்மொழிந்த பல திருத்தங்களுக்கு கீழ்சபை வாக்களித்தது.

மக்கள் தொகை கணக்கெடுப்பு மற்றும் தேர்தலுக்குப் பிறகு எல்லை நிர்ணயம் முடிந்தவுடன் இந்த மசோதா விரைவில் அமல்படுத்தப்படும் என்றார் உள்துறை அமைச்சர் அமித் ஷா. "தேர்தலுக்குப் பிறகு மக்கள் தொகை கணக்கெடுப்பு மற்றும் எல்லை நிர்ணய நடவடிக்கைகள் விரைவில் நடத்தப்படும். அதன் பின்னர் பெண்கள் பாராளுமன்றத்தில் அதிக அளவில் குரல் கொடுப்பார்கள்," என்று அவர் கூறினார்.

குறிப்பாக, நாடாளுமன்ற சிறப்பு அமர்வின் 3 ஆம் நாள் மக்களவையில் மகளிர் இடஒதுக்கீடு மசோதா மீதான விவாதம் நடந்தது. அதே நேரத்தில் மாநிலங்கள் அவையில், சந்திரயான் -3 சந்திரனில் வெற்றிகரமாக தரையிறங்குவதை மையமாகக் கொண்டு இந்தியாவின் விண்வெளி பயணத்தை விவாதித்தது. மக்களவை மற்றும் மாநில சட்டசபைகளில் பெண்களுக்கு 33 சதவீத இடஒதுக்கீடு வழங்க வகை செய்யும் மகளிர் இடஒதுக்கீடு மசோதா, நாடாளுமன்ற சிறப்பு கூட்டத்தொடரில் நேற்று மக்களவையில் அறிமுகப்படுத்தப்பட்டு இன்று விவாதத்திற்கு எடுத்துக்கொள்ளப்பட்டது. மகளிர் இட ஒதுக்கீடு மசோதாவுக்கு மத்திய அமைச்சரவை திங்கள்கிழமை ஒப்புதல் அளித்தது குறிப்பிடத்தக்கது.

இந்த மசோதாவை உடனடியாக அமல்படுத்த வேண்டும் என காங்கிரஸ் உள்ளிட்ட எதிர்க்கட்சிகள் வலியுறுத்தின. மசோதாவில் ஓபிசி இடஒதுக்கீட்டையும் கோரினர். முன்னதாக, செவ்வாயன்று, மத்திய சட்ட அமைச்சர் அர்ஜுன் ராம் மேக்வால் புதிய பாராளுமன்ற கட்டிடத்தில் மக்களவையின் முதல் கூட்டத்தில் மசோதாவை அறிமுகப்படுத்தினார். 2008 இல், மன்மோகன் சிங் தலைமையிலான UPA அரசாங்கம் மாநிலங்கள் அவையில் மசோதாவை தாக்கல் செய்தது. அது 2010 இல் நிறைவேற்றப்பட்டது. இருப்பினும், இந்த மசோதா மக்களவையில் பரிசீலனைக்கு எடுத்துக்கொள்ளப்படவில்லை.

மகளிர் இடஒதுக்கீடு மசோதா என்றால் என்ன?

மகளிர் இடஒதுக்கீடு மசோதா என்பது மக்களவை மற்றும் மாநில சட்டசபைகளில் பெண்களுக்கு 33 சதவீத இடஒதுக்கீட்டை வழங்கும் மசோதாவாகும். பட்டியல் வகுப்பினர் மற்றும் பழங்குடியினருக்கு ஒதுக்கப்பட்ட இடங்களில் மூன்றில் ஒரு பங்கு அந்த குழுக்களைச் சேர்ந்த பெண்களுக்கு ஒதுக்கப்படும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ